ಸೀಟ್ ಬೆಲ್ಟ್ ಏಕೆ ಕಟ್ಟಿಕೊಳ್ಳಬೇಕು ?
ಹಾರಾಟದ ಸಮಯದಲ್ಲಿ ವಿಮಾನ ಸ್ವಲ್ಪ ಅದುರಲಾರಂಭಿಸಿದಾಗ, ತಕ್ಷಣ ಸೀಟ್ ಬೆಲ್ಟ್ ಕಟ್ಟಿ ಕೊಳ್ಳುವಂತೆ ಧ್ವನಿವರ್ಧಕದಲ್ಲಿ ಹೇಳುತ್ತಾರೆ. ಇನ್ನು ವಿಮಾನ ಲ್ಯಾಂಡ್ ಆಗುವಾಗಲೂ ಸೀಟ್ ಬೆಲ್ಟ್ ಕಟ್ಟಿ ಕೊಂಡಿದ್ದೀರಾ ಇಲ್ಲವಾ ಎಂಬುದನ್ನು ಖಾತ್ರಿಪಡಿಸಿಕೊಳ್ಳಲು ನಿಮ್ಮ ಆಸನದ ಸನಿಹ ಬಂದು ಗಮನಿಸುತ್ತಾರೆ. ವಿಮಾನ ಹಾರಾಟದ ಸಂದರ್ಭದಲ್ಲಿ ಸೀಟ್ ಬೆಲ್ಟ್ ಕಟ್ಟಿಕೊಂಡಿದ್ದರೆ ಒಳ್ಳೆಯದು ಎಂಬ ಕಿವಿ ಮಾತನ್ನು ಕನಿಷ್ಠ ಒಂದೆರಡು ಸಲವಾದರೂ ಹೇಳುತ್ತಾರೆ.
ವಿಮಾನ ಪ್ರಯಾಣ ಮಾಡುವಾಗ ಸೀಟ್ ಬೆಲ್ಟ್ ಕಟ್ಟಿಕೊಳ್ಳುವುದು ಅತಿ ಮುಖ್ಯ. ವಿಮಾನ ಟೇಕಾಫ್ ಆಗುವುದಕ್ಕಿಂತ ಮುನ್ನ ಗಗನಸಖಿಯರು ಅಥವಾ ಫ್ಲೈಟ್ ಅಟೆಂಡೆಂಟ್ಸ್ ನಿಮ್ಮ ಆಸನದ ಸನಿಹ ಬಂದು ನೀವು ಸೀಟ್ ಬೆಲ್ಟ್ ಕಟ್ಟಿಕೊಂಡಿದ್ದೀರೋ ಇಲ್ಲವೋ ಎಂಬುದನ್ನು ಸೂಕ್ಷ್ಮವಾಗಿ ಗಮನಿಸುತ್ತಾರೆ.
ಹಾರಾಟದ ಸಮಯದಲ್ಲಿ ವಿಮಾನ ಸ್ವಲ್ಪ ಅದುರಲಾರಂಭಿಸಿದಾಗ, ತಕ್ಷಣ ಸೀಟ್ ಬೆಲ್ಟ್ ಕಟ್ಟಿಕೊಳ್ಳುವಂತೆ ಧ್ವನಿವರ್ಧಕದಲ್ಲಿ ಹೇಳುತ್ತಾರೆ. ಇನ್ನು ವಿಮಾನ ಲ್ಯಾಂಡ್ ಆಗುವಾಗಲೂ ಸೀಟ್ ಬೆಲ್ಟ್ ಕಟ್ಟಿಕೊಂಡಿದ್ದೀರಾ ಇಲ್ಲವಾ ಎಂಬುದನ್ನು ಖಾತ್ರಿಪಡಿಸಿಕೊಳ್ಳಲು ನಿಮ್ಮ ಆಸನದ ಸನಿಹ ಬಂದು ಗಮನಿಸುತ್ತಾರೆ. ವಿಮಾನ ಹಾರಾಟದ ಸಂದರ್ಭದಲ್ಲಿ ಸೀಟ್ ಬೆಲ್ಟ್ ಕಟ್ಟಿಕೊಂಡಿದ್ದರೆ ಒಳ್ಳೆಯದು ಎಂಬ ಕಿವಿ ಮಾತನ್ನು ಕನಿಷ್ಠ ಒಂದೆರಡು ಸಲವಾದರೂ ಹೇಳುತ್ತಾರೆ.
ಹಾಗಾದರೆ ವಿಮಾನ ಪ್ರಯಾಣದಲ್ಲಿ ಸೀಟ್ ಬೆಲ್ಟ್ ಕಟ್ಟಿಕೊಳ್ಳುವುದಕ್ಕೆ ಏಕೆ ಅಷ್ಟು ಪ್ರಾಮುಖ್ಯ? ಇದು ಸಾಮಾನ್ಯ ಸುರಕ್ಷತೆಯ ಒಂದು ನಿಯಮವಲ್ಲ, ಬದಲಿಗೆ ಪ್ರಯಾಣಿಕರ ಜೀವವನ್ನು ಅಪಾಯದಿಂದ ಕಾಪಾಡುವ ಒಂದು ಅತ್ಯಗತ್ಯ ಕ್ರಮ. ವಿಮಾನ ಹಾರಾಟದ ಸಮಯದಲ್ಲಿ ಸೀಟ್ ಬೆಲ್ಟ್ ಧರಿಸುವುದರಿಂದ ಹಲವಾರು ಪ್ರಯೋಜನಗಳಿವೆ. ವಿಮಾನ ಪ್ರಯಾಣದಲ್ಲಿ ಅನಿರೀಕ್ಷಿತವಾಗಿ ವಾಯುಭಾರದಲ್ಲಿನ ಬದಲಾವಣೆಗಳಿಂದ ಟರ್ಬುಲೆನ್ಸ್ ಸಂಭವಿಸುತ್ತದೆ.
ಇದು ವಿಮಾನವು ಹಠಾತ್ತಾಗಿ ಮೇಲಕ್ಕೆ ಅಥವಾ ಕೆಳಕ್ಕೆ ಚಲಿಸುವಂತೆ ಮಾಡುತ್ತದೆ. ಈ ಸಮಯ ದಲ್ಲಿ ಸೀಟ್ ಬೆಲ್ಟ್ ಧರಿಸದಿದ್ದರೆ, ಪ್ರಯಾಣಿಕರು ಸೀಟಿನಿಂದ ಮೇಲೆ ಎದ್ದು ಬಿದ್ದು ಗಂಭೀರವಾಗಿ ಗಾಯಗೊಳ್ಳಬಹುದು. ಕೆಲವು ಸಂದರ್ಭಗಳಲ್ಲಿ, ತಲೆಗೆ ಬಲವಾದ ಪೆಟ್ಟು ಬೀಳುವ ಸಾಧ್ಯತೆಯೂ ಇರುತ್ತದೆ.
ಇದನ್ನೂ ಓದಿ: ಸುರಕ್ಷತೆಯೇ ಬೀಜಮಂತ್ರ
ಟೇಕಾಫ್ ಮತ್ತು ಲ್ಯಾಂಡಿಂಗ್ ಹಂತಗಳಲ್ಲಿ ವಿಮಾನವು ಅತಿ ಹೆಚ್ಚು ವೇಗದಲ್ಲಿ ಚಲಿಸುತ್ತದೆ. ಯಾವುದೇ ತಾಂತ್ರಿಕ ಸಮಸ್ಯೆ ಅಥವಾ ತುರ್ತು ಪರಿಸ್ಥಿತಿಯಲ್ಲಿ ವಿಮಾನವನ್ನು ನಿಲ್ಲಿಸಿದಾಗ, ಸೀಟ್ ಬೆಲ್ಟ್ ಪ್ರಯಾಣಿಕರನ್ನು ಅವರ ಸೀಟಿನಲ್ಲಿ ಭದ್ರವಾಗಿ ಹಿಡಿದಿಟ್ಟುಕೊಳ್ಳುತ್ತದೆ. ಇದರಿಂದ ಸಣ್ಣ-ಪುಟ್ಟ ಗಾಯ ಅಥವಾ ಹಾನಿಯಾಗುವ ಸಾಧ್ಯತೆಗಳು ಕಡಿಮೆಯಾಗುತ್ತವೆ.
ಅಪರೂಪದ ತುರ್ತು ಭೂಸ್ಪರ್ಶ ಅಥವಾ ಇತರೆ ಯಾವುದೇ ಅನಾಹುತಗಳ ಸಂದರ್ಭದಲ್ಲಿ, ಸೀಟ್ ಬೆಲ್ಟ್ ಪ್ರಯಾಣಿಕರನ್ನು ಸುರಕ್ಷಿತವಾಗಿ ಇರಿಸಲು ಸಹಾಯ ಮಾಡುತ್ತದೆ. ಇದು ಸೀಟಿನಿಂದ ಜಾರಿ ಬೀಳುವುದನ್ನು ತಡೆಯುತ್ತದೆ ಮತ್ತು ತೀವ್ರ ಗಾಯಗಳನ್ನು ತಪ್ಪಿಸುತ್ತದೆ. ಒಮ್ಮೆ ನ್ಯೂಯಾರ್ಕ್‌ ನಿಂದ ಲಂಡನ್‌ಗೆ ವಿಮಾನ ಹಾರುತ್ತಿತ್ತು.
ಪ್ರಯಾಣವು ಸುಗಮವಾಗಿ ಸಾಗುತ್ತಿತ್ತು. ವಿಮಾನವು ಸಮುದ್ರದ ಮೇಲೆ ಹಾರುತ್ತಿರುವಾಗ, ಪೈಲಟ್ ಗೆ ಹವಾಮಾನದ ಮುನ್ಸೂಚನೆ ಸಿಕ್ಕಿತು. ವಿಮಾನವು ಸ್ವಲ್ಪ ಸಮಯದ ನಂತರ ತೀವ್ರ ಟರ್ಬುಲೆ ಪ್ರದೇಶವನ್ನು ಪ್ರವೇಶಿಸಲಿತ್ತು. ಪೈಲಟ್ ಕೂಡಲೇ ವಿಮಾನದ ಸಿಬ್ಬಂದಿಗೆ ಮಾಹಿತಿ ನೀಡಿದರು. ಆ ಸಿಬ್ಬಂದಿ ಕೂಡಲೇ, “ಪ್ರಯಾಣಿಕರೇ, ದಯವಿಟ್ಟು ನಿಮ್ಮ ಸೀಟ್‌ಗಳಿಗೆ ಹಿಂತಿರುಗಿ ಮತ್ತು ನಿಮ್ಮ ಸೀಟ್ ಬೆಲ್ಟನ್ನು ಭದ್ರಪಡಿಸಿಕೊಳ್ಳಿ. ನಾವು ಸ್ವಲ್ಪ ಸಮಯದ ನಂತರ ಟರ್ಬುಲೆನ್ಸ್ ಅನುಭವಿಸಬಹುದು" ಎಂದು ಘೋಷಿಸಿದ. ಹೆಚ್ಚಿನ ಪ್ರಯಾಣಿಕರು ಸೂಚನೆಗಳನ್ನು ಪಾಲಿಸಿದರು. ಆದರೆ, ಒಬ್ಬ ಪ್ರಯಾಣಿಕ ತಾನು ಕುಳಿತ ಸೀಟಿನಿಂದ ಎದ್ದು, ಶೌಚಾಲಯಕ್ಕೆ ಹೊರಟ. ಆತ ಸೀಟ್ ಬೆಲ್ಟ್ ಹಾಕಿಕೊಳ್ಳಲು ನಿರ್ಲಕ್ಷ್ಯ ಮಾಡಿದ. ವಿಮಾನವು ಟರ್ಬುಲೆನ್ಸ್ ಪ್ರದೇಶವನ್ನು ಪ್ರವೇಶಿಸುತ್ತಿದ್ದಂತೆ, ಹಠಾತ್ತಾಗಿ ಬಲವಾಗಿ ಕೆಳಕ್ಕೆ ಮತ್ತು ಮೇಲಕ್ಕೆ ಚಲಿಸಿತು.
ಈ ಹಠಾತ್ ಚಲನೆಯಿಂದ, ಆತ ಸಮತೋಲನ ಕಳೆದುಕೊಂಡ. ಆತನ ತಲೆ ಮೇಲಿನ ಲಗೇಜ್ ಕಂಪಾರ್ಟ್‌ಮೆಂಟ್‌ಗೆ ಬಲವಾಗಿ ಬಡಿಯಿತು. ನಂತರ ಆತ ಬಿದ್ದು ಗಾಯಗೊಂಡ. ಇದೇ ಸಮಯದಲ್ಲಿ, ತಮ್ಮ ಸೀಟಿನಲ್ಲಿ ಸೀಟ್ ಬೆಲ್ಟ್ ಧರಿಸಿದ್ದ ಇತರ ಪ್ರಯಾಣಿಕರು ವಿಮಾನದ ಚಲನೆಯನ್ನು ಅನುಭವಿಸಿದರೂ, ತಮ್ಮ ಸೀಟಿನ ಸುರಕ್ಷಿತವಾಗಿ ಕುಳಿತಿದ್ದರು. ಅವರಿಗೆ ಯಾವುದೇ ಗಾಯಗಳಾಗಲಿಲ್ಲ. ಈ ಪ್ರಸಂಗವು, ಸೀಟ್ ಬೆಲ್ಟ್ ಧರಿಸುವುದು ಕೇವಲ ಒಂದು ಔಪಚಾರಿಕ ನಿಯಮವಲ್ಲ, ಬದಲಿಗೆ ಪ್ರಾಣರಕ್ಷಕ ಸಾಧನ ಎಂಬುದನ್ನು ಸ್ಪಷ್ಟವಾಗಿ ತೋರಿಸುತ್ತದೆ.
ಕೆಲವೊಮ್ಮೆ, ಪೈಲಟ್‌ಗಳು ಅಥವಾ ಸಿಬ್ಬಂದಿ ಮೊದಲೇ ಟರ್ಬುಲೆನ್ಸ್ ಬಗ್ಗೆ ಎಚ್ಚರಿಕೆ ನೀಡಿದರೂ, ಹವಾಮಾನವು ಅನಿರೀಕ್ಷಿತವಾಗಿ ಬದಲಾಗಬಹುದು. ಹೀಗಾಗಿ, ನೀವು ವಿಮಾನದಲ್ಲಿ ಕುಳಿತಿರು‌ವಾಗ, ಸೀಟ್ ಬೆಲ್ಟ್ ಸಿಗ್ನಲ್ ಆನ್ ಆಗಿರಲಿ ಅಥವಾ ಇಲ್ಲದಿರಲಿ, ಸೀಟ್ ಬೆಲ್ಟ್ ಧರಿಸುವುದು ಯಾವಾಗಲೂ ಉತ್ತಮ ಅಭ್ಯಾಸ.