ಗಯಾ: ಪಿತೃಪಕ್ಷ ತರ್ಪಣಕ್ಕೆ ಇ-ಪಿಂಡದಾನ ಸ್ಕೀಂ

ಹಿಂದೂಗಳ ಪವಿತ್ರ ಪಿತೃಪಕ್ಷ ಆರಂಭವಾಗುತ್ತಿರುವ ಹಿನ್ನೆಲೆಯಲ್ಲಿ, ಸೆ. 6ರಿಂದ 21 ರವರೆಗೆ ಗಯಾದಲ್ಲಿ ಇ-ಪಿಂಡದಾನ ಸೇವೆ ಆರಂಭಿಸಲಾಗಿದೆ. ಬಿಹಾರದ ಪ್ರವಾಸೋದ್ಯಮ ಅಭಿವೃದ್ಧಿ ನಿಗಮ (ಬಿಎಸ್‌ಟಿಡಿಸಿ) ಈ ಯೋಜನೆ ಘೋಷಿಸಿದೆ. 'ಇ-ಪಿಂಡದಾನ' ಸೇವೆಗೆ 23,000 ರು. ಶುಲ್ಕ ನಿಗದಿ ಪಡಿಸಲಾಗಿದ್ದು, ವಿಷ್ಣುಪಾದ ದೇವಸ್ಥಾನ, ಅಕ್ಷಯವಾಟ ಹಾಗೂ ಫಲ್ಲು ನದಿತೀರದಲ್ಲಿ ಪುರೋಹಿತರು ಪಿಂಡಪ್ರದಾನ ಮಾಡುತ್ತಾರೆ.

ಶಾಸ್ರೋಕ್ತವಾಗಿ ಕಾರ್ಯ ಮಾಡಿದ್ದನ್ನು ವಿಡಿಯೋ ಮಾಡಿ ಪೆನ್‌ಡ್ರೈವ್ ಮೂಲಕ ಕಳಿಸಲಾಗುತ್ತದೆ. ನೇರವಾಗಿ ಸ್ಥಳಕ್ಕೆ ಬಂದು ಪಿಂಡಪ್ರದಾನ ಮಾಡುವವರಿಗೂ ಅವಕಾಶ ಕಲ್ಪಿಸಲಾಗಿದೆ. 13,450 ರು. ಶುಲ್ಕ ಪಾವತಿಸಿದರೆ 3-ಸ್ಟಾ‌ರ್ ಹೋಟೆಲ್‌ನಲ್ಲಿ ವಸತಿ ವ್ಯವಸ್ಥೆ, ಪಿಂಡಪ್ರದಾನಕ್ಕೆ ವ್ಯವಸ್ಥೆ ಜತೆಗೆ ಪಟನಾ, ನಲಂದಾ, ರಾಜಗೀರ್, ಪುನ್‌ಪುನ್ ಮೊದಲಾದ ಕ್ಷೇತ್ರಗಳಿಗೂ ಭಕ್ತರನ್ನು ಕರೆದೊಯ್ಯಲಾಗುತ್ತದೆ. ಬಿಎಸ್‌ಟಿಡಿಸಿಯ ಅಧಿಕೃತ ವೆಬೈಟ್‌ನಲ್ಲಿ ಎರಡೂ ಸೇವೆಗಳನ್ನು ಬುಕ್ ಮಾಡಲು ಅವಕಾಶವಿದೆ.