ಉದಯಪುರಕ್ಕೆ ಪ್ರವಾಸಿಗರ ದಂಡು

ರಾಜಸ್ಥಾನದ ಉದಯಪುರದ ಪ್ರವಾಸೋದ್ಯಮ ಈ ವರ್ಷ ದಾಖಲೆ ಸೃಷ್ಟಿಸಿದೆ. 16 ವರ್ಷಗಳ ನಂತರ ಅತಿ ಹೆಚ್ಚು ಪ್ರವಾಸಿಗರು ಲೇಕ್ ಸಿಟಿಗೆ ಆಗಮಿಸಿದ್ದಾರೆ ಎಂದು ವರದಿಗಳು ತಿಳಿಸಿವೆ. ಅಂಕಿ ಅಂಶಗಳ ಪ್ರಕಾರ, ಈ ವರ್ಷದ ಜನವರಿ ತಿಂಗಳಲ್ಲಿ 2,44,558 ಪ್ರವಾಸಿಗರು ಉದಯಪುರಕ್ಕೆ ಆಗಮಿಸಿದ್ದಾರೆ. ಇದರಲ್ಲಿ 19,558 ವಿದೇಶಿ ಪ್ರವಾಸಿಗರು ಎಂಬುದೇ ಗಮನಾರ್ಹ ವಿಷಯ. ಉದಯಪುರದ ಹೊಟೇಲ್ಸ್, ರೆಸಾರ್ಟ್ಸ್ ಬುಕಿಂಗ್ ನಲ್ಲಿ ಬಾರಿ ಏರಿಕೆ ಕಂಡಿದ್ದು, ಆತಿಥ್ಯ ಕ್ಷೇತ್ರ ಸಂತಸವನ್ನು ವ್ಯಕ್ತಪಡಿಸಿದೆ. ಕಳೆದ ಮೂರು ವರ್ಷದಲ್ಲಿ ಕಂಡ ಮೂಲಸೌಕರ್ಯ ಅಭಿವೃದ್ಧಿ ಪ್ರವಾಸೋದ್ಯಮ ಚಟುವಟಿಕೆಗಳಿಗೆ ಬಲ ನೀಡಿದೆ. ಹೆಚ್ಚುತ್ತಿರುವ ಪ್ರವಾಸಿಗರ ಸಂಖ್ಯೆಯನ್ನು ಗಮನದಲ್ಲಿರಿಸಿ, ಉದಯಪುರವನ್ನು ಜಾಗತಿಕ ಆಕರ್ಷಣೆ ಕೇಂದ್ರ ಬಿಂದುವಾಗಿ ರೂಪಿಸಲು ಕ್ರಮಗಳನ್ನು ಕೈಗೊಳ್ಳಲಾಗುವುದು ಎಂದು ಪ್ರವಾಸೋದ್ಯಮ ಇಲಾಖೆ ತಿಳಿಸಿದೆ.