ನಾಳೆಯಿಂದ ಜಗತ್ಪ್ರಸಿದ್ಧ ಜಗನ್ನಾಥ ರಥಯಾತ್ರೆ

ಪುರಿ: ಒಡಿಶಾದ ಜಗತ್ಪಸಿದ್ದ ಧಾರ್ಮಿಕ ಕ್ಷೇತ್ರ ಪುರಿ ಜಗನ್ನಾಥನ ವಾರ್ಷಿಕ ರಥ ಯಾತ್ರೆ ಶುಕ್ರವಾರ ಆರಂಭವಾಗಲಿದ್ದು, ಸಕಲ ಸಿದ್ದತೆಗಳು ನಡೆಯುತ್ತಿವೆ. ಈ ಬಾರಿಯ ರಥಯಾತ್ರೆಗೆ ಬಿಗಿ ಬಂದೋ ಬಸ್ತ್ ಏರ್ಪಡಿಸಲಾಗಿದ್ದು, ಪುರಿಯಾದ್ಯಂತ 10,000 ಭದ್ರತಾ ಸಿಬ್ಬಂದಿಯನ್ನು ನೇಮಿಸಲಾಗಿದೆ. ಕೃತಕ ಬುದ್ಧಿಮತ್ತೆ (ಎಐ) ಚಾಲಿತ 250 ಸಿಸಿಟಿವಿ ಕ್ಯಾಮರಾಗಳ ನಗರದಲ್ಲಿ ಅಳವಡಿಸಲಾಗಿದೆ.

ದೇಶದ ಅತಿ ಪುರಾತನ ಆಚರಣೆಗಳಲ್ಲಿಒಂದಾಗಿರುವ ಪುರಿ ರಥಯಾತ್ರೆಗೆ ದೇಶ-ವಿದೇಶಗಳಿಂದ ಲಕ್ಷಾಂತರ ಮಂದಿ ಭಕ್ತರು ಆಗಮಿಸುತ್ತಿದ್ದು, ಜನರ ನಿರ್ವಹಣೆಗಾಗಿ ರಾಷ್ಟ್ರೀಯ ಭದ್ರತಾ ಪಡೆ(ಎನ್‌ಎಸ್‌ಜಿ) ಸಿಬ್ಬಂದಿ ಇದೇ ಮೊದಲ ಬಾರಿಗೆ ನಿಯೋಜನೆ ಗೊಂಡಿದ್ದಾರೆ. ಪಹಲ್ಗಾಮ್ ದಾಳಿ ಹಿನ್ನೆಲೆಯಲ್ಲಿ ರಥಯಾತ್ರೆಗೆ ಈ ವರ್ಷ‌ ಎಐ ಚಾಲಿತ 250 ಸಿಸಿಟಿವಿ ಕ್ಯಾಮರಾ ಅಳವಡಿಕೆ ಮಾಡಿ, ಹೆಚ್ಚುವರಿ ಭದ್ರತೆ ನೀಡುತ್ತಿರುವುದಾಗಿ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಪುರಿ-ಕೊನಾರ್ಕ್ ಹಾಗೂ ಪುರಿ-ಉತ್ತರ ಛಾಕ್ ನಡುವೆ ಒಟ್ಟು 275 ಸಿಸಿಟಿವಿ ಅಳವಡಿಸಲಾಗಿದ್ದು, ದೃಶ್ಯಾವಳಿ ಬಗ್ಗೆ 24 ಗಂಟೆಯೂ ನಿಗಾ ವಹಿಸಲಾಗಿದೆ. ಜತೆಗೆ ಕಟ್ಟಡಗಳ ಮೇಲೆ ಎನ್ ಎಸ್‌ಜಿ ಸೈಪರ್‌ಗಳನ್ನು ನಿಯೋಜಿಸಲಾಗಿದೆ. ಡೋನ್, ಶ್ವಾನದಳ, ಬಾಂಬ್ ನಿಷ್ಕ್ರಿಯ ದಳಗಳೂ ಸ್ಥಳದಲ್ಲಿವೆ.