ಇಳಿವಯಸ್ಸಿನಲ್ಲಿ ಯುರೋಪ್‌ ಸುತ್ತಿದ ಟ್ರಾವೆಲ್ ಸಿಸ್ಟರ್ಸ್

ವರ್ಕ್ ಪ್ರೆಶರ್, ಆರೋಗ್ಯ ಸಮಸ್ಯೆ, ವಯಸ್ಸು ಇಂಥ ಎಷ್ಟೋ ಕಾರಣ ನೀಡಿ ಜನರು ಪ್ರವಾಸಿದಿಂದ ದೂರ ಉಳಿಯುತ್ತಾರೆ. ಇನ್ನೂ ಕೆಲವರಂತೂ ಪ್ರವಾಸವೆಂದರೆ ಸುಮ್ಮನೆ ದುಡ್ಡು ದಂಡ ಎನ್ನುತ್ತಾರೆ. ಅಂಥವರಿಗೆ ಈ ಟ್ರಾವೆಲ್ ಸಿಸ್ಟರ್ಸ್ ಕಥೆ ಬಹು ದೊಡ್ಡ ಪ್ರೇರಣೆಯಾಗಲಿದೆ. ವಲ್ಸಲಾ ಮತ್ತು ರಮಣಿ ಎಂಬ ಅಕ್ಕ ತಂಗಿಯರು ಒಂದೇ ತಿಂಗಳಿನಲ್ಲಿ ಯುರೋಪಿನ ಎಂಟು ದೇಶಗಳನ್ನು ಸುತ್ತಿದ್ದಾರೆ.

ಕೇರಳ ಮೂಲದ ಈ ಟ್ರಾವೆಲ್ ಅಚ್ಚರಿಗಳು, ತಮ್ಮ ಪ್ರವಾಸಿ ಜೀವನ ಆರಂಭಿಸಿದ್ದು 70ನೆಯ ವಯಸ್ಸಿನ ನಂತರ. ಮೊದಲಿಗೆ ಭಾರತದ ತೀರ್ಥಕ್ಷೇತ್ರಗಳ ಪ್ರವಾಸ ಕೈಗೊಂಡ ಈ ಭಲೇ ಜೋಡಿಗೆ ಅದರಿಂದ ಉತ್ಸಾಹ ಇಮ್ಮಡಿಯಾಗಿದೆ. ಆನಂತರ ಸಹೋದರಿಯರು ಯುರೋಪಿಗೆ ಪ್ರಯಾಣ ಬೆಳೆಸಿ ಅಲ್ಲಿನ ಪ್ರವಾಸಿ ತಾಣಗಳನ್ನು ಸುತ್ತಾಡಿಬಂದಿದ್ದಾರೆ. ಇವರ ಪ್ರಕಾರ ಪ್ರವಾಸಕ್ಕೆ ಮನಸ್ಸು ಬೇಕೇ ವಿನಃ ವಯಸ್ಸಲ್ಲವಂತೆ. ಪ್ರವಾಸದಿಂದ ದೂರ ಉಳಿಯಲು ಅನೇಕ ಕಾರಣಗಳನ್ನು ನೀಡುವ ಜನರಿಗೆ ಈ ಟ್ರಾವೆಲ್ ಸಿಸ್ಟರ್ಸ್ ನ ಕಥೆ ಸ್ಫೂರ್ತಿಯಾಗಲಿದೆ.

ತಾಜಾ ಸುದ್ದಿ

Admin