2027ರಲ್ಲಿ ಡೆನ್ಮಾರ್ಕ್‌ನ ಉದ್ಯೋಗ ವಲಸೆ ಅವಕಾಶ ವಿಸ್ತರಣೆ

ಡೆನ್ಮಾರ್ಕ್ 2027ರಲ್ಲಿ ವಿದೇಶಿ ಉದ್ಯೋಗಿಗಳನ್ನು ಆಕರ್ಷಿಸಲು ತನ್ನ ಕೆಲಸದ ವಲಸೆ ಆಯ್ಕೆಗಳನ್ನು ಮತ್ತಷ್ಟು ವಿಸ್ತರಿಸುವ ಯೋಜನೆ ಹೊಂದಿದ್ದು, ಭಾರತವೂ ಅರ್ಹ ದೇಶಗಳ ಪೈಕಿ ಒಂದಾಗಿದೆ.

ದೇಶದಲ್ಲಿ ಕೌಶಲ್ಯಯುತ ಉದ್ಯೋಗಿಗಳ ಕೊರತೆ ಎದುರಾಗಿರುವ ಹಿನ್ನೆಲೆಯಲ್ಲಿ ವಿದೇಶಿ ಕಾರ್ಮಿಕರಿಗೆ ಹೆಚ್ಚಿನ ಅವಕಾಶ ಕಲ್ಪಿಸುವ ಉದ್ದೇಶದಿಂದ ಈ ಕ್ರಮ ಕೈಗೊಳ್ಳಲಾಗುತ್ತಿದೆ.

ಪ್ರಸ್ತುತ ಡೆನ್ಮಾರ್ಕ್‌ನಲ್ಲಿ ಉದ್ಯೋಗದ ಕೊರತೆ ಇರುವ ಕ್ಷೇತ್ರಗಳಿಗಾಗಿ ‘ಪಾಸಿಟಿವ್ ಲಿಸ್ಟ್’ ವ್ಯವಸ್ಥೆ ಜಾರಿಯಲ್ಲಿದೆ. ಉನ್ನತ ಶಿಕ್ಷಣ ಪಡೆದವರು ಹಾಗೂ ಕೌಶಲ್ಯಯುತ ಕಾರ್ಮಿಕರಿಗೆ ಪ್ರತ್ಯೇಕ ಪಟ್ಟಿಗಳಿದ್ದು, ಪಟ್ಟಿಯಲ್ಲಿರುವ ಉದ್ಯೋಗಕ್ಕೆ ನೇಮಕಗೊಂಡವರಿಗೆ ನಿವಾಸ ಮತ್ತು ಕೆಲಸದ ಪರವಾನಗಿ ಪಡೆಯಲು ಅವಕಾಶವಿದೆ. 2026ರ ಜುಲೈನಲ್ಲಿ ನವೀಕರಿಸಲಾದ ಪಟ್ಟಿಯಲ್ಲಿ ಉನ್ನತ ಶಿಕ್ಷಣ ಪಡೆದವರಿಗಾಗಿ 164 ಮತ್ತು ಕೌಶಲ್ಯಯುತ ಉದ್ಯೋಗಗಳಿಗಾಗಿ 63 ಹುದ್ದೆಗಳಿವೆ.

ಇದಲ್ಲದೆ, ಅರ್ಹ ಉದ್ಯೋಗಿಗಳಿಗೆ ಫಾಸ್ಟ್-ಟ್ರ್ಯಾಕ್, ಪೇ ಲಿಮಿಟ್ ಹಾಗೂ ಇತರ ಕೆಲಸದ ವೀಸಾ ಮಾರ್ಗಗಳೂ ಲಭ್ಯವಿವೆ.

ಭಾರತೀಯ ವೃತ್ತಿಪರರು ಮತ್ತು ಕೌಶಲ್ಯಯುತ ಕಾರ್ಮಿಕರಿಗೆ ಈ ಬದಲಾವಣೆ ಡೆನ್ಮಾರ್ಕ್‌ನಲ್ಲಿ ಉದ್ಯೋಗಾವಕಾಶಗಳನ್ನು ಹೆಚ್ಚಿಸುವ ನಿರೀಕ್ಷೆ ಮೂಡಿಸಿದೆ.