ಧೋಲಾ-ಸದಿಯಾ ಸೇತುವೆ ಸಿದ್ಧ

ಭಾರತದ ಈಶಾನ್ಯ ರಾಜ್ಯಗಳಾದ ಅಸ್ಸಾಂ ಮತ್ತು ಅರುಣಾಚಲ ಪ್ರದೇಶದ ನಡುವಿನ ಸಂಪರ್ಕಕ್ಕೆ ಪೂರಕವಾಗಿರುವ 'ಧೋಲಾ-ಸದಿಯಾ' ಸೇತುವೆ ಪೂರ್ಣಗೊಂಡಿದೆ.

9.15 ಕಿಲೋಮೀಟರ್ ಉದ್ದವಿರುವ ಈ ಸೇತುವೆಯು ಭಾರತದ ಅತಿ ಉದ್ದದ ನದಿ ಸೇತುವೆ ಎಂಬ ಹೆಗ್ಗಳಿಕೆಯನ್ನು ಹೊಂದಿದೆ. ಇದು ಬ್ರಹ್ಮಪುತ್ರ ನದಿಯ ಪ್ರಮುಖ ಉಪನದಿಯಾದ ಲೋಹಿತ್ ನದಿಗೆ ಅಡ್ಡಲಾಗಿ ನಿರ್ಮಿಸಲಾಗಿದೆ.

ಇದನ್ನೂ ಓದಿ: ಗಂಗೆಯ ಮೇಲೆ ಹೊಸ ಬಜರಂಗ್ ಸೇತು

ಈ ಸೇತುವೆಯ ನಿರ್ಮಾಣದ ಮೊದಲು, ಅಸ್ಸಾಂನ ಧೋಲಾ ಮತ್ತು ಸದಿಯಾ ನಡುವೆ ಸಂಚರಿಸಲು ನೌಕೆಗಳ ಮೇಲೆ ಅವಲಂಬಿತವಾಗಬೇಕಿತ್ತು. ಈಗ ಈ ಸೇತುವೆಯಿಂದಾಗಿ ಅಸ್ಸಾಂ ಮತ್ತು ಅರುಣಾಚಲ ಪ್ರದೇಶದ ನಡುವಿನ ಪ್ರಯಾಣದ ಸಮಯ ಸುಮಾರು 4 ಗಂಟೆಗಳಷ್ಟು ಕಡಿತಗೊಂಡಿದೆ.

ಅರುಣಾಚಲ ಪ್ರದೇಶದ ಅನ್ವೇಷಿಸದ ಪ್ರವಾಸಿ ತಾಣಗಳಾದ ರೋಯಿಂಗ್, ಮಯೋಡಿಯಾ ಪಾಸ್ ಮುಂತಾದ ಪ್ರದೇಶಗಳಿಗೆ ಪ್ರವಾಸಿಗರು ಈಗ ಸುಲಭವಾಗಿ ಭೇಟಿ ನೀಡಬಹುದಾಗಿದೆ. ಸೇತುವೆಯ ಮೇಲಿನ ಪಯಣವೇ ಪ್ರವಾಸಿಗರಿಗೆ ಒಂದು ಅದ್ಭುತ ಅನುಭವ ನೀಡುತ್ತಿದ್ದು, ನದಿಯ ಸುಂದರ ನೋಟವನ್ನು ಸವಿಯಲು ಜನರು ಇಲ್ಲಿಗೆ ಆಗಮಿಸುತ್ತಿದ್ದಾರೆ.

ಭಾರತ-ಚೀನಾ ಗಡಿಗೆ ಹತ್ತಿರವಿರುವ ಕಾರಣ, ಯುದ್ಧ ಟ್ಯಾಂಕ್‌ಗಳಂತಹ ಭಾರೀ ಮಿಲಿಟರಿ ವಾಹನಗಳು ಚಲಿಸುವಷ್ಟು ಸಾಮರ್ಥ್ಯವನ್ನು ಇದು ಹೊಂದಿದೆ.