ಅಮೆರಿಕದ H-1B ವೀಸಾ ಪ್ರಕ್ರಿಯೆಯಲ್ಲಿ ಕ್ರಾಂತಿಕಾರಿ ಬದಲಾವಣೆಗಳನ್ನು ತರಲಾಗಿದ್ದು, ಇದು ಭಾರತೀಯ ವೃತ್ತಿಪರರು ಮತ್ತು ಜಾಗತಿಕ ಉದ್ಯೋಗಿಗಳ ಮೇಲೆ ದೊಡ್ಡ ಮಟ್ಟದ ಪರಿಣಾಮ ಬೀರಲಿದೆ. ಈ ಬದಲಾವಣೆಗಳು ಕೇವಲ ವೀಸಾ ಪಡೆಯುವ ಪ್ರಕ್ರಿಯೆಯನ್ನಷ್ಟೆ ಅಲ್ಲದೆ, ಅಂತಾರಾಷ್ಟ್ರೀಯ ಪ್ರಯಾಣದ ನಿಯಮಗಳನ್ನೂ ಕಠಿಣಗೊಳಿಸಿವೆ.

ಈವರೆಗೂ ಲಾಟರಿ ವ್ಯವಸ್ಥೆಯು ಯಾದೃಚ್ಛಿಕವಾಗಿ ನಡೆಯುತ್ತಿತ್ತು. ಆದರೆ 2026 ರಿಂದ, ಹೊಸ ವೇತನ ಆಧಾರಿತ ಆದ್ಯತಾ ಕ್ರಮವನ್ನು ಜಾರಿಗೆ ತರಲಾಗಿದೆ. ಅತಿ ಹೆಚ್ಚು ವೇತನ ಪಡೆಯುವ ಅರ್ಜಿದಾರರಿಗೆ ಲಾಟರಿಯಲ್ಲಿ ಮೊದಲ ಆದ್ಯತೆ ಸಿಗಲಿದೆ.

ಇದನ್ನೂ ಓದಿ: ಒಮಾಹಾ ಸಂತೆಯಲ್ಲಿ ಕಂಡ ಬಗೆಬಗೆಯ ಚಿತ್ರಣ

ಹೊಸ ನಿಯಮದಂತೆ, H-1B ವೀಸಾಕ್ಕೆ ಸಂಬಂಧಿಸಿದ ಶುಲ್ಕಗಳನ್ನು ಗಣನೀಯವಾಗಿ ಹೆಚ್ಚಿಸಲಾಗಿದೆ. ಈ ಹಿಂದೆ 10 ಡಾಲರ್ ಇದ್ದ ಶುಲ್ಕವನ್ನು ಈಗ 215 ಡಾಲರ್ ಗೆ ಏರಿಸಲಾಗಿದೆ. ಪ್ರಕ್ರಿಯೆಯ ಪಾರದರ್ಶಕತೆ ಕಾಯ್ದುಕೊಳ್ಳಲು ಸುಮಾರು 4,000 ಡಾಲರ್ ವರೆಗಿನ ಹೆಚ್ಚುವರಿ ಶುಲ್ಕ ವಿಧಿಸುವ ಸಾಧ್ಯತೆಯಿದೆ. ಕೆಲವು ನಿರ್ದಿಷ್ಟ ಸಂದರ್ಭಗಳಲ್ಲಿ, ಹೊಸ ವೀಸಾ ಅರ್ಜಿಗಾಗಿ ಕಂಪನಿಗಳು ಭರಿಸಬೇಕಾದ ಒಟ್ಟು ವೆಚ್ಚವು ಲಕ್ಷಾಂತರ ರೂಪಾಯಿಗಳಾಗಲಿದೆ.

ವೀಸಾ ಸ್ಟ್ಯಾಂಪಿಂಗ್ ಅಥವಾ ನವೀಕರಣದ ಸಮಯದಲ್ಲಿ ಕಳೆದ 5 ವರ್ಷಗಳ ಸಾಮಾಜಿಕ ಜಾಲತಾಣಗಳ ಹಿಸ್ಟರಿಯನ್ನು ಕಟ್ಟುನಿಟ್ಟಾಗಿ ಪರಿಶೀಲಿಸಲಾಗುತ್ತದೆ. ಭಾರತದಂಥ ದೇಶಗಳಲ್ಲಿ ವೀಸಾ ಸ್ಟ್ಯಾಂಪಿಂಗ್‌ಗಾಗಿ ಅಪಾಯಿಂಟ್‌ಮೆಂಟ್ ಸಿಗುವುದು ವಿಳಂಬವಾಗಬಹುದು.

ಇದನ್ನೂ ಓದಿ: Road to Heaven... ಕಛ್‌ನಿಂದ ಸ್ವರ್ಗಕ್ಕೆ ಮೂರೇ ಗೇಣು

ಕಂಪನಿಗಳು ಆ ಕೆಲಸಕ್ಕೆ ನಿರ್ದಿಷ್ಟ ಪದವಿ ಏಕೆ ಅಗತ್ಯ ಎಂಬುದನ್ನು ವಿವರವಾಗಿ ತಿಳಿಸಬೇಕು. ಅಮೆರಿಕದ ಸ್ಥಳೀಯ ಉದ್ಯೋಗಿಗಳಿಗೆ ಅವಕಾಶ ಕಡಿಮೆಯಾಗಬಾರದೆಂಬುದು ಉದ್ದೇಶ. ಕೆಲವು ದೇಶದವರಿಗೆ ಅಮೆರಿಕ 5,000 ದಿಂದ 15,000 ಡಾಲರ್ ವರೆಗಿನ 'ವೀಸಾ ಬಾಂಡ್' ಪಾವತಿಸುವ ನಿಯಮವನ್ನು ಪ್ರಾಯೋಗಿಕವಾಗಿ ಜಾರಿಗೆ ತಂದಿದೆ.