ದೇಶೀಯ ಸಾಂಸ್ಕೃತಿಕ ಪ್ರವಾಸದತ್ತ ಭಾರತೀಯರ ಒಲವು

ಭಾರತೀಯರು ಈಗ ಕೇವಲ ವಿಶ್ರಾಂತಿಗಾಗಿ ಮಾತ್ರವಲ್ಲ, ಸ್ಥಳೀಯ ಸಂಸ್ಕೃತಿ, ಪರಂಪರೆ, ಆಹಾರ ಮತ್ತು ಆಚರಣೆಗಳನ್ನು ಅನುಭವಿಸುವ ಉದ್ದೇಶದಿಂದ ದೇಶೀಯ ಪ್ರವಾಸಗಳನ್ನು ಆಯ್ಕೆ ಮಾಡುತ್ತಿದ್ದಾರೆ ಎಂದು ಸ್ಕೈಸ್ಕ್ಯಾನರ್‌ನ ಇಂಡಿಯಾ ಕಲ್ಚರ್ ಟ್ರಾವೆಲ್ ಇಂಡೆಕ್ಸ್ ವರದಿ ತಿಳಿಸಿದೆ. ವರದಿ ಪ್ರಕಾರ, ಸ್ಕೈಸ್ಕ್ಯಾನರ್‌ನ ಇಂಡಿಯಾ ಕಲ್ಚರ್ ಟ್ರಾವೆಲ್ ಇಂಡೆಕ್ಸ್ ವರದಿ ಎಂದು ಹೇಳಿದ್ದಾರೆ.

ವರದಿಯ ಪ್ರಕಾರ, ಪ್ರವಾಸಿಗರು ಇತಿಹಾಸ ಪ್ರಸಿದ್ಧ ತಾಣಗಳು, ಸ್ಥಳೀಯ ಉತ್ಸವಗಳು, ಸಾಂಪ್ರದಾಯಿಕ ಆಹಾರ ಸಂಸ್ಕೃತಿ, ಕರಕುಶಲ ಕಲೆಗಳು ಹಾಗೂ ಗ್ರಾಮೀಣ ಜೀವನಶೈಲಿಯನ್ನು ಅನುಭವಿಸಲು ಹೆಚ್ಚಿನ ಆಸಕ್ತಿ ತೋರುತ್ತಿದ್ದಾರೆ. ಪ್ರವಾಸವನ್ನು ಕೇವಲ ಪ್ರವಾಸಿ ತಾಣಗಳ ವೀಕ್ಷಣೆಗೆ ಸೀಮಿತಗೊಳಿಸದೆ, ಆ ಪ್ರದೇಶದ ಸಂಸ್ಕೃತಿ ಮತ್ತು ಜನಜೀವನವನ್ನು ಅರಿಯುವ ಪ್ರಯತ್ನ ಹೆಚ್ಚಾಗಿದೆ.

ಸ್ಕೈಸ್ಕ್ಯಾನರ್ ಅಧ್ಯಯನವು ಭಾರತದ ಸಾಂಸ್ಕೃತಿಕ ಪ್ರವಾಸದ ಬೆಳವಣಿಗೆಯನ್ನು ರೂಪಿಸುತ್ತಿರುವ ಐದು ಪ್ರಮುಖ ಪ್ರವೃತ್ತಿಗಳನ್ನು ಗುರುತಿಸಿದೆ. ವಿಶೇಷವಾಗಿ ಸ್ಥಳೀಯ ಉತ್ಸವಗಳಲ್ಲಿ ಭಾಗವಹಿಸುವುದು, ಪ್ರಾದೇಶಿಕ ಆಹಾರವನ್ನು ಸವಿಯುವುದು, ಪರಂಪರೆಯ ಕಲಾ-ಸಂಸ್ಕೃತಿಯನ್ನು ಅನುಭವಿಸುವುದು ಮತ್ತು ಕಡಿಮೆ ಪರಿಚಿತ ಸಾಂಸ್ಕೃತಿಕ ತಾಣಗಳನ್ನು ಅನ್ವೇಷಿಸುವ ಪ್ರವೃತ್ತಿ ವೇಗವಾಗಿ ಬೆಳೆಯುತ್ತಿದೆ.

ಪ್ರವಾಸೋದ್ಯಮ ಕ್ಷೇತ್ರದ ತಜ್ಞರ ಪ್ರಕಾರ, ಈ ಬದಲಾವಣೆ ದೇಶೀಯ ಪ್ರವಾಸೋದ್ಯಮಕ್ಕೆ ಹೊಸ ಚೈತನ್ಯ ನೀಡುವ ಜತೆಗೆ ಸ್ಥಳೀಯ ಸಮುದಾಯಗಳು, ಸಾಂಪ್ರದಾಯಿಕ ಕೈಗಾರಿಕೆಗಳು ಹಾಗೂ ಸಣ್ಣ ಉದ್ಯಮಗಳಿಗೆ ಆರ್ಥಿಕ ಲಾಭ ತಂದುಕೊಡಲಿದೆ. ಸಂಸ್ಕೃತಿ ಆಧಾರಿತ ಪ್ರವಾಸದ ಬೇಡಿಕೆ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ರಾಜ್ಯಗಳು ತಮ್ಮ ಪರಂಪರೆ, ಉತ್ಸವಗಳು ಮತ್ತು ಸ್ಥಳೀಯ ವೈಶಿಷ್ಟ್ಯಗಳನ್ನು ಹೆಚ್ಚು ಪರಿಣಾಮಕಾರಿಯಾಗಿ ಪ್ರಚಾರ ಮಾಡುವತ್ತ ಗಮನ ಹರಿಸುವ ಸಾಧ್ಯತೆಯಿದೆ.