ನಾಸಿಕ್‌ನಲ್ಲಿ ಗೈಡ್‌ಗಳಿಗೆ ತರಬೇತಿ

ಮಹಾರಾಷ್ಟ್ರದ ನಾಸಿಕ್ ಜಿಲ್ಲೆಯಲ್ಲಿ ಸ್ಥಳೀಯ ಆರ್ಥಿಕತೆಯನ್ನು ಬಲಪಡಿಸಲು ಮತ್ತು ಉದ್ಯೋಗಾವಕಾಶಗಳನ್ನು ಸೃಷ್ಟಿಸಲು ‘ವೃತ್ತಿಪರ ಗಿರಿ ದರ್ಶಕ್ ಮಾರ್ಗದರ್ಶಿ ತರಬೇತಿ ಕಾರ್ಯಕ್ರಮ’ ಮತ್ತು ‘ಮೊಬೈಲ್ ಮ್ಯೂಸಿಯಂ’ ಉದ್ಘಾಟಿಸಲಾಗಿದೆ.

ಪರ್ವತಾರೋಹಣ ಮತ್ತು ಕೋಟೆಗಳ ಚಾರಣಕ್ಕೆ ಹೆಸರಾದ ನಾಸಿಕ್ ಜಿಲ್ಲೆಯ ಯುವಕರಿಗೆ ವೃತ್ತಿಪರ ಟ್ರೆಕ್ಕಿಂಗ್ ಗೈಡ್‌ಗಳಾಗಲು ಈ ಯೋಜನೆಯಡಿ ವಿಶೇಷ ತರಬೇತಿ ನೀಡಲಾಗುತ್ತದೆ. ತರಬೇತಿ ಪಡೆದ ಗೈಡ್‌ಗಳು ಪ್ರವಾಸಿಗರಿಗೆ ಕೇವಲ ದಾರಿ ತೋರಿಸುವುದಷ್ಟೇ ಅಲ್ಲದೆ, ಸುರಕ್ಷತಾ ಕ್ರಮಗಳು, ಪ್ರಥಮ ಚಿಕಿತ್ಸೆ ಮತ್ತು ಕೋಟೆಗಳ ಐತಿಹಾಸಿಕ ಮಹತ್ವವನ್ನು ನಿಖರವಾಗಿ ವಿವರಿಸಲಿದ್ದಾರೆ. ಇದು ಸಾಹಸಿ ಪ್ರವಾಸಿಗರಿಗೆ ಸುರಕ್ಷಿತ ಚಾರಣದ ಭರವಸೆ ನೀಡುತ್ತದೆ.

ಇದನ್ನೂ ಓದಿ: ನಾಸಿಕ್ ಕುಂಭಮೇಳಕ್ಕೆ ಹೆಲಿ-ಟೂರಿಸಂ ಸರ್ಕ್ಯೂಟ್

ನಾಸಿಕ್‌ನ ಶ್ರೀಮಂತ ಇತಿಹಾಸ, ಛತ್ರಪತಿ ಶಿವಾಜಿ ಮಹಾರಾಜರ ಕಾಲದ ಕೋಟೆಗಳು ಮತ್ತು ಸಾಂಸ್ಕೃತಿಕ ಪರಂಪರೆಯನ್ನು ಪ್ರದರ್ಶಿಸಲು ಈ ವಿಶೇಷ ವಾಹನವನ್ನು ವಿನ್ಯಾಸಗೊಳಿಸಲಾಗಿದೆ. ಈ ಸಂಚಾರಿ ವಸ್ತುಸಂಗ್ರಹಾಲಯವು ಜಿಲ್ಲೆಯ ವಿವಿಧ ಶಾಲೆಗಳು, ಕಾಲೇಜುಗಳು ಮತ್ತು ಗ್ರಾಮೀಣ ಪ್ರದೇಶಗಳಿಗೆ ಸಂಚರಿಸಿ, ಯುವ ಪೀಳಿಗೆಗೆ ಮತ್ತು ಪ್ರವಾಸಿಗರಿಗೆ ಇತಿಹಾಸದ ಅರಿವು ಮೂಡಿಸಲಿದೆ.

ನಾಸಿಕ್‌ನಲ್ಲಿ ಈಗಾಗಲೇ ತ್ರಯಂಬಕೇಶ್ಚರ ದೇವಾಲಯ ಮತ್ತು ವೈನ್ ಯಾರ್ಡ್‌ಗಳು ಪ್ರಸಿದ್ಧವಾಗಿವೆ. ಈಗ ಈ ಯೋಜನೆಯ ಮೂಲಕ 'ಕೋಟೆ ಪ್ರವಾಸೋದ್ಯಮ' ಮತ್ತು 'ಸಾಹಸ ಪ್ರವಾಸೋದ್ಯಮ'ಕ್ಕೆ ಹೊಸ ಚೈತನ್ಯ ಸಿಗಲಿದೆ.