ಶ್ರೀಲಂಕಾದಲ್ಲಿ ಭಾರತೀಯ ಪ್ರವಾಸಿಗರಿಗೆ ಯುಪಿಐ ಪಾವತಿ ಸೌಲಭ್ಯ

ಶ್ರೀಲಂಕಾ ಭಾರತದ ಎನ್‌ಪಿಸಿಐ ಇಂಟರ್‌ ನ್ಯಾಷನಲ್ ಜತೆ ಪಾಲುದಾರಿಕೆ ಮಾಡಿಕೊಳ್ಳುವ ಮೂಲಕ ತನ್ನ ದೇಶದಲ್ಲಿ ಯುಪಿಐ ಸೇವೆಯನ್ನು ಸಂಯೋಜಿಸಿದೆ. ಇದು ಭಾರತೀಯ ಪ್ರವಾಸಿಗರಿಗೆ ಶ್ರೀಲಂಕಾದಾದ್ಯಂತ ಸುರಕ್ಷಿತ, ಸುಲಭ ಮತ್ತು ನಗದು ರಹಿತವಾಗಿ ಹಣ ಪಾವತಿಸಲು ಅವಕಾಶ ಮಾಡಿಕೊಡುತ್ತಿದೆ.

ಭಾರತದ ನ್ಯಾಷನಲ್ ಪೇಮೆಂಟ್ಸ್ ಕಾರ್ಪೊರೇಷನ್ ಆಫ್ ಇಂಡಿಯಾ ಮತ್ತು ಶ್ರೀಲಂಕಾದ ಲಂಕಾ ಪೇ ಸಂಸ್ಥೆಗಳು ಕೈಜೋಡಿಸಿವೆ. ಇದರ ಮೂಲಕ ಭಾರತೀಯ ಪ್ರವಾಸಿಗರು ತಮ್ಮ ಮೊಬೈಲ್ ಫೋನ್ ಬಳಸಿ ಕೇವಲ ಕ್ಯೂಆರ್‌ ಕೋಡ್ ಸ್ಕ್ಯಾನ್ ಮಾಡುವ ಮೂಲಕ ಪಾವತಿ ಮಾಡಬಹುದು.

ಇದನ್ನೂ ಓದಿ: ಇಸ್ರೋ ಸಂಸ್ಥೆಯಿಂದ ಐತಿಹಾಸಿಕ ತಾಣಗಳ ರಕ್ಷಣೆ

ಉಪಯೋಗಗಳು:

• ಇದು ವಿದೇಶಿ ವಿನಿಮಯದ ಸಂಕೀರ್ಣತೆಯನ್ನು ದೂರ ಮಾಡುತ್ತದೆ.
• ಪ್ರಯಾಣದ ಸಮಯದಲ್ಲಿ ಹೆಚ್ಚಿನ ನಗದು ಹಣವನ್ನು ಕೊಂಡೊಯ್ಯುವ ಅಪಾಯವನ್ನು ತಪ್ಪಿಸುತ್ತದೆ.
• ಯುಪಿಐ ಪಾವತಿಗಳು ಅತ್ಯಂತ ಸುರಕ್ಷಿತವಾಗಿದ್ದು, ಕೆಲವೇ ಸೆಕೆಂಡುಗಳಲ್ಲಿ ಪಾವತಿ ಪ್ರಕ್ರಿಯೆ ಪೂರ್ಣಗೊಳ್ಳುತ್ತದೆ.
• ಈ ಸೇವೆಯು ಶ್ರೀಲಂಕಾದ ಸ್ಥಳೀಯ ಮಾರುಕಟ್ಟೆಗಳು, ಸಣ್ಣ ಅಂಗಡಿಗಳು ಮತ್ತು ಪ್ರವಾಸಿ ತಾಣಗಳಲ್ಲಿಯೂ ಲಭ್ಯವಿರುತ್ತದೆ.
• ಕ್ರೆಡಿಟ್ ಅಥವಾ ಡೆಬಿಟ್ ಕಾರ್ಡ್‌ಗಳಿಗೆ ಹೋಲಿಸಿದರೆ, ಯುಪಿಐ ಮೂಲಕ ಪಾವತಿಸುವುದು ಹೆಚ್ಚು ಸುಲಭ ಮತ್ತು ಯಾವುದೇ ಗುಪ್ತ ಶುಲ್ಕಗಳಿರುವುದಿಲ್ಲ.