ರೀವಾ–ದೆಹಲಿ ನೇರ ವಿಮಾನಸೇವೆ ಆರಂಭ

ಮಧ್ಯಪ್ರದೇಶದ ಮುಖ್ಯಮಂತ್ರಿ ಡಾ. ಮೋಹನ್ ಯಾದವ್ ಅವರು ರೀವಾ–ದೆಹಲಿ ನೇರ ವಿಮಾನಸೇವೆಯನ್ನು ಅಧಿಕೃತವಾಗಿ ಉದ್ಘಾಟಿಸಿದರು. ಈ ಹೊಸ ವೈಮಾನಿಕ ಸಂಪರ್ಕವು ವಿಂದ್ಯ ಪ್ರದೇಶದ ಪ್ರವಾಸೋದ್ಯಮ ಮತ್ತು ಆರ್ಥಿಕಾಭಿವೃದ್ಧಿಗೆ ಹೊಸ ಹಾದಿ ತೆರೆಯಲಿದೆ ಎಂದು ಅವರು ಅಭಿಪ್ರಾಯಪಟ್ಟರು.

ಈ ವಿಮಾನಸೇವೆ ಮೂಲಕ ರೀವಾ ಮತ್ತು ದೆಹಲಿಯ ನಡುವಿನ ಪ್ರಯಾಣ ಸಮಯವು ಗಮನಾರ್ಹವಾಗಿ ಕಡಿಮೆಯಾಗಿದ್ದು, ಹಿಂದಿನ ರೈಲು ಅಥವಾ ರಸ್ತೆ ಪ್ರಯಾಣದ ಬದಲು ಈಗ ಕೇವಲ ಕೆಲವು ಗಂಟೆಗಳಲ್ಲಿ ರಾಷ್ಟ್ರ ರಾಜಧಾನಿಗೆ ತಲುಪುವುದು ಸಾಧ್ಯವಾಗಲಿದೆ. ಇದೇ ಸಂದರ್ಭದಲ್ಲಿ ಮುಖ್ಯಮಂತ್ರಿಯವರು ಮಾತನಾಡಿ- “ವಿಂದ್ಯಾ ಪ್ರದೇಶವು ರಾಜ್ಯದ ಸಾಂಸ್ಕೃತಿಕ, ಐತಿಹಾಸಿಕ ಹಾಗೂ ನೈಸರ್ಗಿಕ ಸೌಂದರ್ಯದಿಂದ ಕೇಂದ್ರವಾಗಿದೆ. ಈ ನೇರ ವಿಮಾನಸೇವೆ ವಿಂದ್ಯಾ ಪ್ರದೇಶದ ಪ್ರವಾಸೋದ್ಯಮ ಸಾಮರ್ಥ್ಯವನ್ನು ರಾಷ್ಟ್ರಮಟ್ಟದಲ್ಲಿ ತೋರ್ಪಡಿಸಲು ಸಹಕಾರಿಯಾಗಿದೆ” ಎಂದು ತಿಳಿಸಿದರು.

ಮಧ್ಯಪ್ರದೇಶ ಪ್ರವಾಸೋದ್ಯಮ ಇಲಾಖೆಯ ಅಧಿಕಾರಗಳ ಪ್ರಕಾರ, ಈ ವಿಮಾನಸೇವೆ ವಿಂದ್ಯಾ ಪ್ರದೇಶದ ವ್ಯಾಪಾರ, ಶಿಕ್ಷಣ ಮತ್ತು ವೈದ್ಯಕೀಯ ಪ್ರವಾಸೋದ್ಯಮಕ್ಕೂ ಪ್ರೋತ್ಸಾಹ ನೀಡಲಿದೆ. ಜತೆಗೆ, ಈ ಪ್ರದೇಶದ ಯುವಜನತೆಗೆ ಹೊಸ ಉದ್ಯೋಗಾವಕಾಶಗಳು ಸೃಷ್ಟಿಯಾಗಲಿವೆ.