ಜೂ಼ಮ್‌ಕಾರ್‌-ಉಬರ್‌ ಪಾಲುದಾರಿಕೆ

ಪ್ರವಾಸಿಗರಿಗೆ ರಸ್ತೆ ಪ್ರಯಾಣವನ್ನು ಇನ್ನಷ್ಟು ಸುಲಭ ಹಾಗೂ ಹೊಂದಿಕೊಳ್ಳುವಂತೆ ಮಾಡಲು ಜೂ಼ಮ್‌ಕಾರ್‌ ಮತ್ತು ಉಬರ್‌ ಪಾಲುದಾರಿಕೆ ಮಾಡಿಕೊಂಡಿವೆ. ಈ ಸಹಭಾಗಿತ್ವದ ಮೂಲಕ ಜೂ಼ಮ್‌ಕಾರ್‌ ಆ್ಯಪ್‌ನಲ್ಲಿಯೇ ಸ್ವಯಂ ಚಾಲಿತ ಕಾರುಗಳ ಜತೆಗೆ ಚಾಲಕರೊಂದಿಗೆ ಪ್ರಯಾಣಿಸುವ ಉಬರ್‌ ಇಂಟರ್‌ಸಿಟಿ ಸೇವೆಯ ಆಯ್ಕೆಗಳನ್ನೂ ಹೋಲಿಸಿ ಬುಕ್‌ ಮಾಡಬಹುದಾಗಿದೆ.

ಪ್ರಸ್ತುತ ಈ ಸೇವೆಯ ಏಕೀಕರಣ ಬೆಂಗಳೂರು, ದೆಹಲಿ-ಎನ್‌ಸಿಆರ್‌ ಮತ್ತು ಮುಂಬಯಿಯಲ್ಲಿ ಲಭ್ಯವಿದ್ದು, ಮುಂದಿನ ದಿನಗಳಲ್ಲಿ ಇತರ ನಗರಗಳಿಗೂ ವಿಸ್ತರಿಸುವ ಯೋಜನೆ ಇದೆ. ಜೂ಼ಮ್‌ಕಾರ್‌ನಲ್ಲಿ ಸೆಲ್ಫ್‌ ಡ್ರೈವ್‌ ವಾಹನವನ್ನು ಹುಡುಕುವ ಬಳಕೆದಾರರಿಗೆ ಆಯ್ದ ಮಾರ್ಗಗಳಲ್ಲಿ ಉಬರ್‌ ಇಂಟರ್‌ಸಿಟಿ ರೈಡ್‌ಗಳನ್ನು ಸಹ ಕಾಣಬಹುದು. ಇದರಿಂದ ಒನ್‌-ವೇ ಹಾಗೂ ರೌಂಡ್‌ ಟ್ರಿಪ್‌ಗಳಿಗೆ ಸ್ವತಃ ವಾಹನ ಚಲಾಯಿಸುವುದೋ ಅಥವಾ ಚಾಲಕರೊಂದಿಗೆ ಪ್ರಯಾಣಿಸುವುದೋ ಎಂಬುದನ್ನು ಪ್ರಯಾಣಿಕರು ತಮ್ಮ ಅಗತ್ಯಕ್ಕೆ ಅನುಗುಣವಾಗಿ ಆಯ್ಕೆ ಮಾಡಿಕೊಳ್ಳಬಹುದು.

ವಾರಾಂತ್ಯದ ಪ್ರವಾಸ, ಕುಟುಂಬ ಭೇಟಿ, ರಜೆ ಅಥವಾ ನಗರಾಂತರ ಪ್ರಯಾಣಗಳಿಗೆ ರಸ್ತೆ ಸಾರಿಗೆಯ ಬೇಡಿಕೆ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ಈ ಪಾಲುದಾರಿಕೆ ಮಹತ್ವ ಪಡೆದಿದೆ. ಸ್ವಂತ ವಾಹನ ಹೊಂದುವ ಬದಲು ಅಗತ್ಯಕ್ಕೆ ತಕ್ಕಂತೆ ಸಾರಿಗೆ ಸೇವೆ ಬಳಸುವ ಪ್ರವೃತ್ತಿಯೂ ಹೆಚ್ಚುತ್ತಿದೆ. ಈ ಹಿನ್ನೆಲೆಯಲ್ಲಿ ಪ್ರಯಾಣಿಕರಿಗೆ ಒಂದೇ ವೇದಿಕೆಯಲ್ಲಿ ವಿವಿಧ ಆಯ್ಕೆಗಳನ್ನು ಒದಗಿಸುವುದು ಈ ಸಹಭಾಗಿತ್ವದ ಪ್ರಮುಖ ಉದ್ದೇಶವಾಗಿದೆ.