ವಿಮಾನದ ಆಂಟೆನಾಗಳು

ಗೊತ್ತಾ, ವಿಮಾನಗಳಿಗೂ ಆಂಟೆನಾಗಳಿರುತ್ತವೆ. ಅವು ಟಿವಿ ಆಂಟೆನಾಗಳಂತೆ ಢಾಳಾಗಿ ಕಾಣಿಸದಿರಬಹುದು. ಆದರೆ ಇವು ಆಧುನಿಕ ವಿಮಾನಯಾನದ ಕಣ್ಗಾವಲು ಮತ್ತು ಸಂವಹನ ವ್ಯವಸ್ಥೆಗಳ ಅನಿವಾರ್ಯ ಅಂಗಗಳಾಗಿ ಕೆಲಸ ಮಾಡುತ್ತವೆ. ವಿಮಾನದ ದೊಡ್ಡ ಗಾತ್ರ ಮತ್ತು ಹಾರಾಟದ ಪರಿಸರವನ್ನು ಗಮನಿಸಿದರೆ, ವಿಶ್ವಾಸಾರ್ಹ ರೇಡಿಯೋ ಸಂಪರ್ಕವನ್ನು ಖಚಿತಪಡಿಸಿಕೊಳ್ಳುವ ದೃಷ್ಟಿಯಿಂದ ಆಂಟೆನಾಗಳ ವಿನ್ಯಾಸ, ಸ್ಥಳ ಮತ್ತು ಕಾರ್ಯನಿರ್ವಹಣೆಗಳು ರೂಪಿಸಲ್ಪಟ್ಟಿರುತ್ತವೆ.

ವಿಮಾನವು ಆಕಾಶದಲ್ಲಿ ಸುರಕ್ಷಿತವಾಗಿ ಮತ್ತು ಪರಿಣಾಮಕಾರಿಯಾಗಿ ಸಂಚರಿಸಲು ಈ ವ್ಯವಸ್ಥೆ ಮುಖ್ಯ. ಇದು ಒಂದು ರೀತಿಯ ಶಕ್ತಿಯನ್ನು ಇನ್ನೊಂದಕ್ಕೆ ಪರಿವರ್ತಿಸುತ್ತದೆ. ಆಂಟೆನಾಗಳು ರೇಡಿಯೋ ತರಂಗಗಳ ರೂಪದಲ್ಲಿ ಒಳಬರುವ ವಿದ್ಯುತ್ಕಾಂತೀಯ ಕ್ಷೇತ್ರಗಳನ್ನು ಸೆರೆಹಿಡಿಯುತ್ತವೆ.

ಈ ತರಂಗಗಳು ಆಂಟೆನಾದಲ್ಲಿ ಸೂಕ್ಷ್ಮವಾದ ವಿದ್ಯುತ್ ಪ್ರವಾಹವನ್ನು ಪ್ರೇರೇಪಿಸುತ್ತವೆ, ಇದರಿಂದಾಗಿ ವಿದ್ಯುತ್ಕಾಂತೀಯ ಶಕ್ತಿಯು ಮತ್ತೆ ವಿದ್ಯುತ್ ಸಂಕೇತಗಳಾಗಿ (Electrical Signals) ಪರಿವರ್ತನೆಯಾಗುತ್ತದೆ. ನಂತರ, ಈ ಸಂಕೇತಗಳನ್ನು ಸಂವಹನ ವ್ಯವಸ್ಥೆಯಿಂದ ವ್ಯಾಖ್ಯಾನಿಸಲಾಗುತ್ತದೆ.

ವಿಮಾನದ ರಚನೆಯ ಮೇಲೆ ಆಂಟೆನಾ ಇರುವ ಸ್ಥಳ ಮತ್ತು ಅದರ ಆಕಾರವು (ಉದಾಹರಣೆಗೆ, ಬ್ಲೇಡ್, ವಿಪ್, ಅಥವಾ ಬ್ಲಾಕ್) ಅದರ ಪ್ರಸರಣ ಮತ್ತು ಸ್ವೀಕೃತಿಯ ಗುಣಮಟ್ಟವನ್ನು ನಿರ್ಧರಿಸುತ್ತದೆ. ವಿಮಾನದಲ್ಲಿರುವ ಪ್ರತಿ ಪ್ರಮುಖ ವ್ಯವಸ್ಥೆಗೂ ಒಂದು ಅಥವಾ ಹೆಚ್ಚು ಆಂಟೆನಾಗಳ ಅಗತ್ಯವಿದೆ.

ಇದನ್ನೂ ಓದಿ: ವಿಮಾನದಲ್ಲಿ ಶವ ಸಾಗಣೆ

ಸುರಕ್ಷಿತ ಮತ್ತು ನಿಖರವಾದ ಹಾರಾಟಕ್ಕೆ ಸಂಚರಣಾ ಸಾಧನ (Navigation Aids)ಗಳಾಗಿ ಈ ಆಂಟೆನಾಗಳು ಕೆಲಸ ಮಾಡುತ್ತವೆ. ವಿಮಾನದ ಪ್ರಸ್ತುತ ದಿಕ್ಕನ್ನು ಭೂಮಿಯ ಮೇಲಿನ ನಿಲ್ದಾಣದಿಂದ ಅಳೆಯಲು ಸಹ ಇದು ಸಹಾಯ ಮಾಡುತ್ತದೆ. ಇದಕ್ಕಾಗಿ ವಿಮಾನದ ಬಾಲದಲ್ಲಿ (tail fin) ವಿ-ಆಕಾರದ ಅಥವಾ ಬ್ಲೇಡ್-ಮಾದರಿಯ ಆಂಟೆನಾವನ್ನು ಬಳಸಲಾಗುತ್ತದೆ.

ಇದು ಭೂಮಿಯ ಮೇಲಿನ ನಿಲ್ದಾಣದಿಂದ ವಿಮಾನದ ದೂರವನ್ನು ಅಳೆಯುತ್ತದೆ. ಇದಕ್ಕೆ ವಿಮಾನದ ಕೆಳಭಾಗದಲ್ಲಿ ಒಂದು ಸಣ್ಣ, ಸೂಕ್ಷ್ಮವಾದ ಆಂಟೆನಾವನ್ನು ಸಾಮಾನ್ಯವಾಗಿ ಬಳಸಲಾಗುತ್ತದೆ. ಇದನ್ನು Distance Measuring antenna ಅಂತಾರೆ. ದಿಕ್ಕನ್ನು ನಿರ್ಧರಿಸಲು ರೇಡಿಯೋ ಬೀಕನ್‌ನಿಂದ (radio beacon) ವಿಮಾನದ ಸಾಪೇಕ್ಷ ದಿಕ್ಕನ್ನು ನಿರ್ಧರಿಸಲು ಈ ಆಂಟೆನಾ ಸಹಾಯ ಮಾಡುತ್ತದೆ.

ಸಾಮಾನ್ಯವಾಗಿ, ವಿಮಾನದ ಕೆಳಗಿನ ಭಾಗದಲ್ಲಿ ಫೆರ್ರೈಟ್ ಕೋರ್ (ferrite core) ಹೊಂದಿರುವ ಲೂಪ್ ಆಂಟೆನಾ ಕೂಡ ಇರುತ್ತದೆ. ವಿಮಾನದ ನಿಖರವಾದ ಸ್ಥಾನವನ್ನು ನಿರ್ಧರಿಸಲು ಉಪಗ್ರಹಗಳಿಂದ ಸಂಕೇತಗಳನ್ನು ಸ್ವೀಕರಿಸಲು ವಿಮಾನದ ಮೇಲ್ಭಾಗದಲ್ಲಿ ಸಾಮಾನ್ಯವಾಗಿ ಪ್ಯಾಚ್ (patch) ಅಥವಾ ಡೋಮ್ (dome) ಆಂಟೆನಾವನ್ನು ಬಳಸಲಾಗುತ್ತದೆ.

ವಿಮಾನದಲ್ಲಿರುವ ಕಣ್ಗಾವಲು ಆಂಟೆನಾ, ಇತರ ವಿಮಾನಗಳು ಮತ್ತು ಭೂ ನಿಯಂತ್ರಣದೊಂದಿಗೆ ವಿಮಾನದ ಸಂವಹನ ಮತ್ತು ಪತ್ತೆಹಚ್ಚುವಿಕೆಯನ್ನು ಖಚಿತಪಡಿಸುತ್ತದೆ. ಸಂಭಾವ್ಯ ಘರ್ಷಣೆಗಳನ್ನು ತಡೆಯಲು ಹತ್ತಿರದ ವಿಮಾನಗಳೊಂದಿಗೆ ಸಂವಹನ ನಡೆಸುತ್ತದೆ. ಇದಕ್ಕೆ ವಿಮಾನದ ಮೇಲ್ಭಾಗ ಮತ್ತು ಕೆಳಭಾಗದಲ್ಲಿ ಎರಡು ಆಂಟೆನಾಗಳಿರುತ್ತವೆ. ವಿಮಾನದ ಸ್ಥಾನ ಮತ್ತು ಗುರುತನ್ನು ವಾಯು ಸಂಚಾರ ನಿಯಂತ್ರಣಕ್ಕೆ ರವಾನಿಸುತ್ತದೆ.

ಅಪಘಾತದ ಸಂದರ್ಭದಲ್ಲಿ ತುರ್ತು ಸಂಕೇತಗಳನ್ನು ಕಳುಹಿಸುತ್ತದೆ. ಸಾಮಾನ್ಯವಾಗಿ ವಿಮಾನದ ಮೇಲ್ಭಾಗದಲ್ಲಿ ಸ್ಥಾಪಿಸಲಾದ ಬ್ಲೇಡ್ ಆಂಟೆನಾದೊಂದಿಗೆ ಸಂಪರ್ಕ ಹೊಂದಿದೆ. ವಿಮಾನದ ಮೂಗಿನ ಬಳಿ ಇರುವ ಹವಾಮಾನ ಅಥವಾ ಹತ್ತಿರದ ವಿಮಾನಗಳನ್ನು ಬಳಸಲಾಗುತ್ತದೆ.

ಪ್ರತಿಯೊಂದು ಆಂಟೆನಾವನ್ನು ಇತರ ಹತ್ತಿರದ ಆಂಟೆನಾಗಳು ಅಥವಾ ವಿಮಾನದ ವಿದ್ಯುತ್ ವ್ಯವಸ್ಥೆಗಳಿಂದ ಬರುವ ಹಸ್ತಕ್ಷೇಪದಿಂದ ಪ್ರತ್ಯೇಕಿಸಿ ಇರಿಸಲಾಗುತ್ತದೆ. A 320 ನಂಥ ಆಧುನಿಕ ವಿಮಾನಗಳು ವಿಭಿನ್ನ ಆವರ್ತನ ಬ್ಯಾಂಡ್‌ಗಳು ಮತ್ತು ಉದ್ದೇಶಗಳಿಗಾಗಿ ಡಜನ್‌ಗಟ್ಟಲೆ ಆಂಟೆನಾಗಳನ್ನು ಹೊಂದಿರುತ್ತವೆ.

ವಾಯು ಸಂಚಾರ ನಿಯಂತ್ರಣದೊಂದಿಗೆ ಧ್ವನಿ ಸಂವಹನಕ್ಕಾಗಿ ಸಾಮಾನ್ಯವಾಗಿ ವಿಮಾನದ ಮೇಲ್ಭಾಗ ಮತ್ತು ಕೆಳಭಾಗದಲ್ಲಿ ಬ್ಲೇಡ್ (blade) ಆಂಟೆನಾಗಳನ್ನು ಸ್ಥಾಪಿಸಲಾಗಿದೆ. ದೀರ್ಘ-ಶ್ರೇಣಿಯ (long range) ಸಂವಹನಕ್ಕಾಗಿ, ವಿಶೇಷವಾಗಿ ಸಾಗರಗಳ ಮೇಲೆ ಹಾರುವಾಗ ಹೈ ಫ್ರೀಕ್ವೆನ್ಸಿ ಆಂಟೆನಾಗಳು ಕ್ರಿಯಾಶೀಲವಾಗುತ್ತವೆ.