ತಾಜ್ ಮಹಲ್‌ ಈಗ ನಿರ್ಮಿಸುತ್ತಿದ್ದರೆ ಎಷ್ಟು ಖರ್ಚಾಗುತ್ತಿತ್ತು ಗೊತ್ತಾ?

ಭಾರತದಲ್ಲಿ ಸಂಸ್ಕೃತಿ, ಪರಂಪರೆ, ವಾಸ್ತುಶಿಲ್ಪ ಮತ್ತು ಅದ್ಭುತವಾದ ಕಟ್ಟದಾಗಳಿಗೆ ಕಮ್ಮಿಯೇನಿಲ್ಲ. ಹಾಗೆ ಗತಕಾಲದ ಕತೆ, ಇತಿಹಾಸಗಳು ನಮ್ಮನ್ನು ಖುಷಿ ಪಡಿಸುವುದರ ಜೊತೆಗೆ ಕೆಲವೊಮ್ಮೆ ದುಃಖವನ್ನೂ ತರಿಸುತ್ತದೆ. ಅಂಥದ್ದೇ ಒಂದು ಕತೆ, ಅದಕ್ಕೊಂದು ಕಟ್ಟಡ ನಮ್ಮ ಮುಂದಿದೆ. ಅದು ಆಗ್ರಾದ ತಾಜ್ ಮಹಲ್ (Taj Mahal). ಎಲ್ಲರಿಗೂ ಮೆಚ್ಚುಗೆಯಾಗಿರುವ ಪ್ರೀತಿಯ ಸಂಕೇತವಿದು. ಪ್ರಪಂಚದ ಏಳು ಅದ್ಭುತ (Seven Wonders)ಗಳಲ್ಲಿ ಒಂದಾದ ಈ ಸ್ಮಾರಕ ಅಮೃತಶಿಲೆಯಿಂದ ಕೂಡಿದೆ.

ಇದನ್ನು ಮೊಘಲ್ ಚಕ್ರವರ್ತಿ ಷಹಜಹಾನ್ (Moghal Ruler shahajahan) ತನ್ನ ಪತ್ನಿ ಮುಮ್ತಾಜ್ ಮಹಲ್ (Mumtaj Mahal)ಅವರ ಪ್ರೀತಿಯ ನೆನಪಿಗಾಗಿ ನಿರ್ಮಿಸಿದನು. ಇತಿಹಾಸದ ಪ್ರಕಾರ, ಈ ಅದ್ಭುತವನ್ನು ನಿರ್ಮಿಸಲು ಸುಮಾರು 22-25 ವರ್ಷಗಳು ಬೇಕಾಯಿತು. ನಿರ್ಮಾಣವು ಸುಮಾರು 1632 ರಲ್ಲಿ ಪ್ರಾರಂಭವಾಯಿತು. ಸೊಗಸಾದ ಮೊಸಾಯಿಕ್ ಕರಕುಶಲತೆ, ಮೊಘಲ್ ಮತ್ತು ಭಾರತೀಯ ಸ್ಪರ್ಶದೊಂದಿಗೆ ಸಂಯೋಜಿಸಲ್ಪಟ್ಟ ಇಂಡೋ-ಇಸ್ಲಾಮಿಕ್ ವಾಸ್ತುಶಿಲ್ಪ(Indo-Islamic Architecture), ಅಮೂಲ್ಯ ಕಲ್ಲುಗಳ ಬಳಕೆ ಇತ್ಯಾದಿಗಳು ಈ ಮಹಲಿಗೆ ಎಲ್ಲ ದೆಸೆಯಿಂದಲೂ ಭವ್ಯತೆ ಮತ್ತು ಸೌಂದರ್ಯವನ್ನು ಹೆಚ್ಚಿಸಿತು. ತಾಜ್ ಗೆ ಬೇಕಾಗಿದ್ದ ಲ್ಯಾಪಿಸ್ ಲಾಜುಲಿ, ಕಾರ್ನೆಲಿಯನ್, ಓನಿಕ್ಸ್, ಚಿನ್ನ, ಅಮೃತಶಿಲೆ ಮುಂತಾದ ಅಮೂಲ್ಯ ಕಲ್ಲುಗಳನ್ನು ಪ್ರಪಂಚದ ವಿವಿಧೆಡೆಯಿಂದ ಸಂಗ್ರಹಿಸಲಾಗಿತ್ತು. ಈ ವಾಸ್ತುಶಿಲ್ಪದ ಅದ್ಭುತವನ್ನು ಸಂಪೂರ್ಣ ಮಾಡುವುದರಲ್ಲಿ ಎಷ್ಟು ಹಣ ಖರ್ಚಾಗಿತ್ತು ಎಂದು ಎಂದಾದರೂ ಊಹಿಸಿದ್ದೀರಾ.

ತಾಜ್ ಮಹಲ್ ನಿರ್ಮಾಣದ ವೆಚ್ಚ

ತಾಜ್ ಮಹಲ್ ನಿರ್ಮಾಣದ ಬಗ್ಗೆ ಹಲವಾರು ಕಥೆಗಳಿವೆ. ವರದಿಯ ಪ್ರಕಾರ, ಪರ್ಷಿಯಾ, ಒಟ್ಟೋಮನ್ ಮತ್ತು ಇತರ ಸ್ಥಳಗಳಿಂದ ಹಲವಾರು ಕಾರ್ಮಿಕರು ಇದನ್ನು ನಿರ್ಮಿಸಲು ಬಂದರು. ಅಲ್ಲದೆ, 1000ಕ್ಕೂ ಹೆಚ್ಚು ಆನೆಗಳು ಸಹ ಈ ನಿರ್ಮಾಣದ ಭಾಗವಾಗಿದ್ದವು. ತಾಜ್ ಮಹಲ್ ನಿರ್ಮಾಣಕ್ಕೆ ಎಷ್ಟು ಖರ್ಚು ಮಾಡಲಾಗಿದೆ ಎಂಬುದರ ಬಗ್ಗೆ ನಿಖರವಾದ ಸಂಖ್ಯೆ ಇಲ್ಲ, ಆದಾಗ್ಯೂ, ಹಲವಾರು ವರದಿಗಳು ಸರಿಸುಮಾರು ಸುಮಾರು 32 ಮಿಲಿಯನ್ ರು. 3.2 ಕೋಟಿ ಖರ್ಚು ಮಾಡಿರಬೇಕು ಎಂದು ಸೂಚಿಸುತ್ತವೆ.

ಈ ವರದಿಗಳ ಹೊರತಾಗಿ, ಭಾರತೀಯ ಇತಿಹಾಸಕಾರ ಜಾದುನಾಥ್ ಸರ್ಕಾರ್ 'ಸ್ಟಡೀಸ್ ಇನ್ ಮೊಘಲ್ ಇಂಡಿಯಾ' ಎಂಬ ಪುಸ್ತಕವನ್ನು ಬರೆದಿದ್ದಾರೆ. ಅದರಲ್ಲಿ ಅವರು ತಾಜ್ ಮಹಲ್‌ನ ತಮ್ಮ ಆವೃತ್ತಿ ಮತ್ತು ಅದರ ಅಂದಾಜು ವೆಚ್ಚವನ್ನು ಬಹಿರಂಗಪಡಿಸಿದ್ದಾರೆ. ಪುಸ್ತಕದಲ್ಲಿ ಇತಿಹಾಸಕಾರರು ಇದರ ವೆಚ್ಚ ಸುಮಾರು 42 ಮಿಲಿಯನ್ ರೂಪಾಯಿಗಳೆಂದು ಅಂದಾಜಿಸಿದ್ದಾರೆ. ಹಾಗಾದರೆ ಇದನ್ನು ಇಂದು ನಿರ್ಮಿಸಿದ್ದರೆ ಏನಾಗುತ್ತಿತ್ತು?

ಕೆಲವರ ವೈಯಕ್ತಿಕ ಅಂದಾಜುಗಳು ಸುಮಾರು 70 ಬಿಲಿಯನ್ ರೂಪಾಯಿಗಳು ಅಥವಾ ಇಂದು ಸುಮಾರು 1 ಬಿಲಿಯನ್ ಯುಎಸ್ ಡಾಲರ್ ಖರ್ಚು ಮಾಡಲಾಗುತ್ತಿತ್ತು ಎಂದು ಅಂದಾಜಿಸುತ್ತವೆ. ಮತ್ತೆ, ಅದರ ವೆಚ್ಚವನ್ನು ಸರಳವಾಗಿ ಹೇಳಲು ಸಾಧ್ಯವಿಲ್ಲ. ಆದರೆ ಹಲವಾರು ವರದಿಗಳು ಒಂದು ಬಿಲಿಯನ್ ಗಿಂತ ಹೆಚ್ಚು ವೆಚ್ಚವಾಗುವುದು ಖಚಿತ ಎಂದು ಅಂದಾಜಿಸುತ್ತವೆ. ಎಬಿಪಿ ಲೈವ್ ಹಿಂದಿ ಪ್ರಕಾರ, ಇಂದು ತಾಜ್ ಮಹಲ್ ನಿರ್ಮಿಸಿದರೆ, ಅದರ ಬೆಲೆ ಸುಮಾರು 7500 ಕೋಟಿ ರೂಪಾಯಿಗಳಾಗಿರಬಹುದು.

ಪ್ರಪಂಚದ ಅದ್ಭುತಕ್ಕೆ ಬೆಲೆ ಕಟ್ಟುವುದು ಕಷ್ಟವಾದರೂ, ಮುಂಬರುವ ಶತಮಾನಗಳಲ್ಲಿ ಅಂತಹ ಮತ್ತೊಂದು ಪ್ರೀತಿಯ ಲಾಂಛನವನ್ನು ನೋಡುವ ಸಾಧ್ಯತೆಯಿಲ್ಲ.