ಅಮೆರಿಕದಲ್ಲಿ ಅಂತಾರಾಷ್ಟ್ರೀಯ ವಿದ್ಯಾರ್ಥಿಗಳ ಪ್ರವಾಸಕ್ಕೆ ಎಚ್ಚರಿಕೆ

ಟ್ರಂಪ್ (Trump) ಆಡಳಿತವು ಕಳೆದ ಶುಕ್ರವಾರ ಅಂತಾರಾಷ್ಟ್ರೀಯ ವಿದ್ಯಾರ್ಥಿಗಳ ವಿಸಾ (International Students visa) ಮತ್ತು ಕಾನೂನುಮಾನ್ಯ ಹಕ್ಕುಗಳನ್ನು ಮರುಸ್ಥಾಪಿಸಲು ನಿರ್ಧರಿಸಿದರೂ, ಅಮೆರಿಕದ ಹಲವು ವಿಶ್ವವಿದ್ಯಾಲಯಗಳು (Universities) ಈ ಬೇಸಿಗೆಯಲ್ಲಿ ವಿದ್ಯಾರ್ಥಿಗಳು ದೇಶದ ಬೇರೆಡೆ ಪ್ರಯಾಣ ಮಾಡುವುದರ ಬಗ್ಗೆ ಗಂಭೀರ ಎಚ್ಚರಿಕೆ ನೀಡಿವೆ.

ಕ್ಯಾಲಿಫೋರ್ನಿಯಾ ವಿಶ್ವವಿದ್ಯಾಲಯ (ಯುಸಿ ಬರ್ಕ್ಲಿ), "ಅಂತಾರಾಷ್ಟ್ರೀಯ ವಿದ್ಯಾರ್ಥಿಗಳಿಗಾಗಿ ವಿದೇಶ ಪ್ರಯಾಣ ಈಗಲೂ ಅಪಾಯದಿಂದಿದೆ, ಏಕೆಂದರೆ ಅಮೆರಿಕದ ಇಮಿಗ್ರೇಶನ್ ನೀತಿಗಳು ಕ್ಷಣಾರ್ಧದಲ್ಲಿ ಬದಲಾಗಬಹುದು," ಎಂದು ತಿಳಿಸಿದೆ.

ಡ್ಯೂಕ್ (Duke) ವಿಶ್ವವಿದ್ಯಾಲಯ ಸಹ ತನ್ನ ಅಂತಾರಾಷ್ಟ್ರೀಯ ಸಮುದಾಯಕ್ಕೆ: "ಪುನಃ ಅಮೆರಿಕ ಪ್ರವೇಶಿಸುವಲ್ಲಿ ಹೆಚ್ಚಿದ ಅಪಾಯಗಳ ಹಿನ್ನೆಲೆಯಲ್ಲಿ, ಅನಿವಾರ್ಯವಲ್ಲದ ಪ್ರಯಾಣವನ್ನು ತಪ್ಪಿಸಲು ನಾವು ಶಿಫಾರಸು ಮಾಡುತ್ತಿದ್ದೇವೆ."

ಈ ಹೊಸ ನಿಲುವು ಸಾವಿರಾರು ಅಂತಾರಾಷ್ಟ್ರೀಯ ವಿದ್ಯಾರ್ಥಿಗಳ ವಿಸಾ ಮತ್ತು ಇಮಿಗ್ರೇಶನ್ ದಾಖಲಾತಿಗಳನ್ನು ರದ್ದುಗೊಳಿಸಿದ ನಂತರವೇ ಬಂದಿದೆ. ಆದರೆ, ಪ್ರವಾಸದ ಬಗ್ಗೆ ಎಚ್ಚರಿಕೆಯಿಂದ ಇರುವ ಅವಶ್ಯಕತೆಯು ಉಳಿದೇ ಇದೆ ಎಂದು ಅಮೆರಿಕದ ಇಮಿಗ್ರೇಶನ್ ವಕೀಲರ ಸಂಘದ ಅಧ್ಯಕ್ಷರಾಗಿ ಆಯ್ಕೆಯಾದ ಜೆಫ್ ಜೊಸೆಫ್ ಹೇಳಿದ್ದಾರೆ.

"ದೇಶದ ಹೊರಗೆ ಪ್ರಯಾಣಿಸುವುದು ಈಗ ತುಂಬಾ ಸುಲಭ ಆಗಿದೆ," ಎಂದ ಜೇಫ್ ಜೋಸೆಫ್ "ವಿದೇಶಾಂಗ ಇಲಾಖೆಗೆ ವಿಸಾ ಹಿಂಪಡೆಯುವ ಹಕ್ಕು ಇದೆ, ಕಾರಣ ಕೇಳಿಸಿಕೊಳ್ಳಲೇಬೇಕೆಂಬ ಜ್ಞಾಪಕ ಇರಲಿ."

ಡ್ಯೂಕ್, ಯುಸಿ ಬರ್ಕ್ಲಿ ಸೇರಿದಂತೆ ಕನಿಷ್ಠ ಐದು ವಿಶ್ವವಿದ್ಯಾಲಯಗಳು ಇದೇ ತಿಂಗಳು ಎಚ್ಚರಿಕೆ ಪತ್ರಗಳನ್ನು ಹೊರಡಿಸಿವೆ.

ಚೀನಾದಿಂದ ಬಂದಿದ್ದ ಒಬ್ಬ ಪದವಿ ಪಡೆದ ವಿದ್ಯಾರ್ಥಿ ವಾಷಿಂಗ್ಟನ್ ಡಿ. ಸಿ. ಯಲ್ಲಿ ಉಳಿದುಕೊಂಡಿದ್ದು, "ಡಿಸೆಂಬರ್‌ನಲ್ಲಿ ಮನೆಗೆ ಹೋಗಬೇಕೆಂದು ಎರಡು ಬಾರಿ ಯೋಚಿಸಬೇಕಾಯ್ತು. ಟ್ರಂಪ್ ಅಧ್ಯಕ್ಷರಾಗ್ತಾರೆ ಅಂತ ಗೊತ್ತಿದ್ದ ಸಮಯವಾದ್ದರಿಂದ ನಾನು ಅಮೆರಿಕಕ್ಕೆ ಹಿಂತಿರುಗಲಾಗದಿರಬಹುದು ಎಂಬ ಭಯ ಇತ್ತು." ಎಂದು ತಮ್ಮ ಭೀತಿಯನ್ನು ಹೊರಹಾಕಿದ್ದಾರೆ. ಇದೇ ಕಾರಣಕ್ಕೆ ಅವರು ಜನವರಿ 20ರ ಅಧಿಕಾರ ಸ್ವೀಕಾರದ ಮೊದಲು ದೇಶಕ್ಕೆ ಹಿಂತಿರುಗಲು ವಿಮಾನ ಟಿಕೆಟ್ ಬುಕ್ ಮಾಡಿಕೊಂಡರು.

ಇತ್ತೀಚಿನ ವಾರಗಳಲ್ಲಿ, ಅಮೆರಿಕಾದಾದ್ಯಂತ ಸಾವಿರಾರು ವಿದ್ಯಾರ್ಥಿಗಳ ವಿಸಾಗಳನ್ನು ಟ್ರಂಪ್ ಆಡಳಿತ ರದ್ದುಗೊಳಿಸಿದ್ದು, "ರಾಷ್ಟ್ರೀಯ ಭದ್ರತೆ" ಹಾಗೂ "ಆತಂಕವಿರುವ ವಿದೇಶಿ ಚಟುವಟಿಕೆಗಳನ್ನು" ತಡೆಯಬೇಕೆಂದು ಹೇಳಿದೆ.

ಇಮಿಗ್ರೇಶನ್ ಮತ್ತು ಕಸ್ಟಮ್ಸ್ ಎನ್‌ಫೋರ್ಸ್ಮೆಂಟ್ (ICE) ವಿಭಾಗ "ಇಮಿಗ್ರೇಶನ್ ದಾಖಲೆ ರದ್ದು ಮಾಡುವ ಹೊಸ ರೂಪರೇಷೆ" ರೂಪಿಸುತ್ತಿರುವ ಹಿನ್ನಲೆಯಲ್ಲಿ, ವಿಸಾಗಳನ್ನು ತಾತ್ಕಾಲಿಕವಾಗಿ ಮರುಸ್ಥಾಪಿಸಲಾಗಿದೆ.