ನಕಲಿ ಬುಕಿಂಗ್: ಜೈಪುರದ ರೆಸಾರ್ಟ್ ನಿಂದ OYO ವಿರುದ್ಧ FIR

ಜೈಪುರ (Jaipur) ಮೂಲದ ರೆಸಾರ್ಟ್ ತನ್ನ ವಿರುದ್ಧ 2.66 ಕೋಟಿ ರೂ.ಗಳ GST ನೋಟಿಸ್ ಪಡೆದ ನಂತರ, ರಿತೇಶ್ ಅಗರ್ವಾಲ್ (Ritesh Aggarwal) ನಾಯಕತ್ವದ OYO ಕಂಪನಿ ವಿರುದ್ಧ ಕ್ರಿಮಿನಲ್ ದೂರು ದಾಖಲಿಸಿದೆ. ಇದು ವಾರ್ಷಿಕ ವಹಿವಾಟು ಹೆಚ್ಚಳ ಎಂದು ತೋರಿಸಲು ನಕಲಿ ಬುಕಿಂಗ್ (Fake Booking) ನಿಂದ ಮಾಡಲಾಗಿತ್ತು ಎಂದು ಆರೋಪಿಸಲಾಗಿದೆ ಎಂದು ಹೇಳಲಾಗಿದೆ.

ಅಶೋಕ್ ನಗರ ಪೊಲೀಸ್ ಠಾಣೆ ಜೈಪುರದ ಸಂಸ್ಕಾರ ರೆಸಾರ್ಟ್‌ನ ಮದನ್ ಜೈನ್ ಅವರ ದೂರಿನ ಮೇರೆಗೆ ಕ್ರಮ ಕೈಗೊಂಡು FIR ದಾಖಲಿಸಿದೆ.

FIR ಹೇಳುವುದೇನು ಏನು?

OYO ವಿರುದ್ಧ ವಂಚನೆ, ನಂಬಿಕೆ ಉಲ್ಲಂಘನೆ, ನಕಲಿ ಮತ್ತು ಹೊಸದಾಗಿ ಜಾರಿಗೆ ತಂದ ಭಾರತೀಯ ನ್ಯಾಯ ಸಂಹಿತಾ (BNS) ನಿಬಂಧನೆಗಳ ಅಡಿಯಲ್ಲಿ ಕ್ರಿಮಿನಲ್ ಪಿತೂರಿ ಸೇರಿದಂತೆ ಹಲವಾರು ಗಂಭೀರ ಆರೋಪಗಳನ್ನು ಹೊರಿಸಿದೆ.

FIR ಪ್ರಕಾರ, ಜೈನ್ ಏಪ್ರಿಲ್ 8, 2019 ರಂದು OYO ಜೊತೆ ಒಂದು ವರ್ಷದ ಸೇವಾ ಒಪ್ಪಂದಕ್ಕೆ ಸಹಿ ಹಾಕಿದ್ದರು. ಈ ಒಪ್ಪಂದವು ರೆಸಾರ್ಟ್‌ಗಾಗಿ ಆನ್‌ಲೈನ್ ಮತ್ತು ವಾಕ್-ಇನ್ ಬುಕಿಂಗ್‌ಗಳನ್ನು ಸಕ್ರಿಯಗೊಳಿಸಲು ಉದ್ದೇಶಿಸಲಾಗಿತ್ತು. ಆದಾಗ್ಯೂ, 2018–19, 2019–20, ಮತ್ತು 2020–21 ಎಂಬ ಮೂರು ಹಣಕಾಸು ವರ್ಷಗಳಲ್ಲಿ - 2019–20 ಅವಧಿಯಲ್ಲಿ ಮಾತ್ರ ನೈಜ ವ್ಯವಹಾರ ನಡೆದಿದ್ದರೂ - OYO ತನ್ನ ರೆಸಾರ್ಟ್‌ನ ಹೆಸರಿನಲ್ಲಿ ನಕಲಿ ಬುಕಿಂಗ್‌ಗಳನ್ನು ತೋರಿಸಿದೆ ಎಂದು ಅವರು ಆರೋಪಿಸಿದ್ದಾರೆ.

2019–20 ರ ಅವಧಿಯಲ್ಲಿ ಮಾತ್ರ ನಿಜವಾದ ವ್ಯವಹಾರ ನಡೆದಿದ್ದರೂ, ಸಂಸ್ಕಾರ ರೆಸಾರ್ಟ್ಸ್ ಕೇವಲ 10.95 ಲಕ್ಷ ರು. ವ್ಯವಹಾರವನ್ನು ವರದಿ ಮಾಡಿದೆ ಮತ್ತು ಅದಕ್ಕೆ ಅನುಗುಣವಾಗಿ GST ಪಾವತಿಸಿದೆ. ಆದರೆ ದೂರಿನ ಪ್ರಕಾರ, OYO 22.22 ಕೋಟಿ ರು. ವಹಿವಾಟು ಎಂದು ತಪ್ಪಾಗಿ ವರದಿ ಮಾಡಿದೆ, ಇದರ ಪರಿಣಾಮವಾಗಿ 2.66 ಕೋಟಿ ರು.ಗಳ GST ಹೊರೆ ಉಂಟಾಗಿದೆ.