ಪಹಲ್ಗಾಮ್ ದಾಳಿ: ಕಾಶ್ಮೀರ ಪ್ರವಾಸೋದ್ಯಮಕ್ಕೆ ಭಾರಿ ಹೊಡೆತ

ಎಪ್ರಿಲ್ 22ರಂದು ಪಹಲ್ಗಾಮ್‌ನಲ್ಲಿ (Pahalgam) ನಡೆದ ಭಯೋತ್ಪಾದಕ ದಾಳಿಯ (Terror Attack) ಪರಿಣಾಮವಾಗಿ ಕನಿಷ್ಠ 28 ಪ್ರವಾಸಿಗರು ಮೃತಪಟ್ಟು ಹಲವರು ಗಾಯಗೊಂಡಿದ್ದಾರೆ. ಈ ಪ್ರಕರಣದಿಂದಾಗಿ ಕಾಶ್ಮೀರದ (Kashmir) ಪ್ರವಾಸೋದ್ಯಮ (Tourism) ಕ್ಷೇತ್ರಕ್ಕೆ ಭಾರೀ ಹೊಡೆತ ನೀಡಿದೆ. ಈ ದಾಳಿಯು ದೇಶದಮಟ್ಟದಲ್ಲಿ ಭೀತಿಯ ವಾತಾವರಣ ಮೂಡಿಸಿರುವುದರ ಜೊತೆಗೆ, ಕಾಶ್ಮೀರ ಪ್ರವಾಸೋದ್ಯಮದ ಪುನಶ್ಚೇತನಕ್ಕೆ ಬ್ರೇಕ್ ಹಾಕಿದೆ.

LocalCircles ನಡೆಸಿದ ಸಮೀಕ್ಷೆಯ ಪ್ರಕಾರ, 2025ರ ಮೇದಿಂದ ಡಿಸೆಂಬರ್‌ವರೆಗೆ ಕಾಶ್ಮೀರಕ್ಕೆ ಹೋಗಲು ಯೋಜಿಸುತ್ತಿದ್ದ ಪ್ರವಾಸಿಗರಲ್ಲಿ ಶೇ.60 ರಷ್ಟು ಜನರು ಈಗ ತಮ್ಮ ಬುಕಿಂಗ್‌ಗಳನ್ನು ರದ್ದುಗೊಳಿಸುವ ಸಾಧ್ಯತೆ ಇದೆ. ಇದರಿಂದಲೇ ಉಡಾನ್ ಸಂಸ್ಥೆಗಳು ಈಗಾಗಲೇ 15,000ಕ್ಕೂ ಹೆಚ್ಚು ಟಿಕೆಟ್‌ಗಳ ರದ್ದತಿ ಕುರಿತು ವರದಿ ನೀಡಿವೆ.

ಇದು ತಾತ್ಕಾಲಿಕ ಬದಲಾವಣೆಯಾಗಿರದು. ಮುಂದಿನ ಮೂರು ವರ್ಷಗಳಲ್ಲಿ ಕಾಶ್ಮೀರ ಪ್ರವಾಸದ ಬಗ್ಗೆ ಕೇಳಿದಾಗ, 14,000ಕ್ಕೂ ಹೆಚ್ಚು ಪ್ರತಿಕ್ರಿಯೆಗಳಲ್ಲಿ ಶೇ.29 ರಷ್ಟು ಜನ ಮಾತ್ರ “ಖಚಿತವಾಗಿ ಹೋಗುತ್ತೇವೆ” ಎಂದಿದ್ದಾರೆ. ಶೇ.33ರಷ್ಟು ಜನ “ಸರಕಾರದ ಭದ್ರತೆ ಕ್ರಮಗಳ ಮೇಲೆ ಅವಲಂಬಿತವಾಗಿರುತ್ತದೆ” ಎಂದಿದ್ದಾರೆ. ಶೇ.21 ರಷ್ಟು ಜನ “ಖಂಡಿತವಾಗಿಯೂ ಹೋಗುವುದಿಲ್ಲ” ಎಂದಿದ್ದಾರೆ.

ಇದೀಗಲೇ 2025ರಲ್ಲಿ 2.3 ಕೋಟಿ ಪ್ರವಾಸಿಗರು ಆಗಮಿಸಿರುವುದು, 2023ರ 2.1 ಕೋಟಿಯ ದಾಖಲೆಗಿಂತ ಮೇಲುಗಡೆ ಇದೆ ಎಂದು ಪ್ರವಾಸೋದ್ಯಮ ಇಲಾಖೆ ತಿಳಿಸಿದೆ.