ವಿಮಾನಯಾನ ಕ್ಷೇತ್ರಕ್ಕೆ ಜೆನ್ ಎಐ: ಸಿಂಗಪುರ್ ಏರ್‌ಲೈನ್ಸ್ ಮತ್ತು ಓಪನ್‌ಎಐ ಸಹಭಾಗಿತ್ವ

ಸಿಂಗಪುರ್ ಏರ್‌ಲೈನ್ಸ್ (SIA) ಹಾಗೂ ಓಪನ್‌ಎಐ (OpenAI) ಇತ್ತೀಚೆಗಷ್ಟೇ ಐತಿಹಾಸಿಕ ಸಹಭಾಗಿತ್ವವನ್ನು ಘೋಷಿಸಿದ್ದು, ಇದು ಜಾಗತಿಕ ವಿಮಾನಯಾನ ಕ್ಷೇತ್ರದಲ್ಲಿ ಮೊದಲ ಬಾರಿಗೆ ಏರ್‌ಲೈನ್ ಮತ್ತು ಓಪನ್‌ಎಐ ನಡುವೆ ನಡೆದಿರುವ ಜಂಟಿ ಯೋಜನೆಯಾಗಿದೆ. ಈ ಹೊಸ ಉಪಕ್ರಮವು ಜನರೇಟಿವ್ ಕೃತಕ ಬುದ್ಧಿಮತ್ತೆ (GenAI) ತಂತ್ರಜ್ಞಾನವನ್ನು (Technlogy) ಬಳಸಿಕೊಂಡು ಗ್ರಾಹಕ ಅನುಭವ ಹಾಗೂ ಆಂತರಿಕ ಕಾರ್ಯಕ್ಷಮತೆಯನ್ನು ಹೆಚ್ಚಿಸಲು ಉದ್ದೇಶಿಸಿದೆ.

GenAI ಸಹಾಯದಿಂದ, SIA ಈಗ ಪಠ್ಯ, ಧ್ವನಿ, ಚಿತ್ರರೇಖೆ, ಹಾಗೂ ವೀಡಿಯೊಗಳನ್ನು ವ್ಯಾಖ್ಯಾನಿಸಲು ಸಾಮರ್ಥ್ಯ ಹೊಂದಲಿದೆ. ಈ ಮೂಲಕ ಗ್ರಾಹಕರಿಗೆ ಇನ್ನಷ್ಟು ವೈಯಕ್ತಿಕ ಬೆಂಬಲ ಒದಗಿಸಿ, ಪ್ರಯಾಣ ಯೋಜನೆ, ಬುಕಿಂಗ್ ಮತ್ತು ನಿರ್ವಹಣೆಯನ್ನು ಸುಲಭಗೊಳಿಸಲು ನವೀಕರಿಸಿದ AI-ಆಧಾರಿತ ವರ್ಚುವಲ್ ಅಸಿಸ್ಟೆಂಟ್ ಸಿದ್ಧವಾಗಲಿದೆ.

ಈ ಸಹಾಯಕವು ಗ್ರಾಹಕರಿಗೆ ತಾವು ಹುಡುಕುತ್ತಿರುವ ಉಲ್ಲೇಖಿತ ಮಾಹಿತಿಯನ್ನು ತಕ್ಷಣ ನೀಡುತ್ತಿದ್ದು, ಗಮ್ಯಸ್ಥಳ ಆಯ್ಕೆಮಾಡುವಿಕೆಯಲ್ಲಿ ಸಹಾಯ ಮಾಡುತ್ತದೆ. ಇದರೊಂದಿಗೆ, ಪ್ರವಾಸದ ಎಲ್ಲಾ ಹಂತಗಳಲ್ಲಿ ಸ್ವಯಂ ಸೇವೆ ಆಯ್ಕೆಗಳು ಹೆಚ್ಚಳವಾಗಲಿದೆ.

ವಿಮಾನಯಾನ ಸಿಬ್ಬಂದಿಗೆ GenAI ಪವರ್

SIA ಸಿಬ್ಬಂದಿಗೆ ಈ AI ಉಪಕರಣವು ವಿವಿಧ ಮಾಧ್ಯಮಗಳಿಂದ ಮಾಹಿತಿಯನ್ನು ಸಂಗ್ರಹಿಸಿ ನಿರ್ಧಾರ ತೆಗೆದುಕೊಳ್ಳುವ ಕ್ರಿಯೆಯನ್ನು ವೇಗಗೊಳಿಸಲು ನೆರವಾಗುತ್ತದೆ. ಇದರಿಂದ ಅವರು ಹೆಚ್ಚು ಅಗತ್ಯವಿರುವ ಕಾರ್ಯಗಳಲ್ಲಿ ಗಮನಹರಿಸಬಹುದಾಗಿದೆ. GenAI ತಂತ್ರಜ್ಞಾನವು ನಿರ್ವಹಣಾ ಸವಾಲುಗಳನ್ನು ಪರಿಹರಿಸಲು ಸಹಾಯ ಮಾಡುವ ಮೂಲಕ ಕಾರ್ಯಪದ್ಧತಿಯನ್ನು ಸುಧಾರಿಸುತ್ತದೆ.

SIA ಈಗ ಓಪನ್‌ಎಐ ಮಾದರಿಗಳನ್ನು ಸಿಬ್ಬಂದಿ ಸಮಯಾನುಸಾರ ಶೆಡ್ಯೂಲಿಂಗ್ ಮೊದಲಾದ ಪ್ರಮುಖ ನಿರ್ಧಾರ ಕ್ಷೇತ್ರಗಳಲ್ಲಿ ಅಳವಡಿಸುತ್ತಿದೆ. ನಿಯಮಾತ್ಮಕ ನಿಯಂತ್ರಣ, ಕಾರ್ಯಾಚರಣಾ ನಿರ್ಬಂಧಗಳು ಮತ್ತು ಲಭ್ಯವಿರುವ ಕಾರ್ಮಿಕ ಸಂಪನ್ಮೂಲವನ್ನು ಪರಿಗಣಿಸುವ ಈ ಎಐ ನಿರ್ಧಾರ ಕ್ರಮವು, ಹೆಚ್ಚಿನ ದತ್ತಾಂಶ ಆಧಾರಿತ ತ್ವರಿತ ನಿರ್ಧಾರಗಳನ್ನು ಕೈಗೊಳ್ಳಲು ನೆರವಾಗುತ್ತದೆ.